பாகுபலிக்கு பிறகு நடிகர் பிரபாஸ் நடிக்கும் படங்களுக்கு இந்திய அளவில் எதிர்பார்ப்பு உள்ளது. அவர் அடுத்ததாக நடித்துள்ள ராதே ஷ்யாம் படம் வருகிற 11 ஆம் தேதி திரையரங்குகளில் வெளியாகிறது.
இந்தப் படத்தின் டிரெய்லர் ஏற்கனவே வெளியான நிலையில், தற்போது வெளியீட்டை முன்னிட்டு புதிய டிரெய்லர் வெளியாகியுள்ளது. இந்தப் படத்தில் பிரபாஸுக்கு ஜோடியாக பூஜா ஹெக்டே நடித்துள்ளார். யுவி கிரியேஷன்ஸ் தயாரித்துள்ள இந்தப் படத்தை ராதா கிருஷ்ண குமார் இயக்கியுள்ளார்.
ஜஸ்டின் பிரபாகரன் இந்தப் படத்தின் பாடல்களுக்கு இசையமைக்க, தமன் இந்தப் படத்துக்கு பின்னணி இசையமைத்துள்ளார். மனோஜ் பரமஹம்சா இந்தப் படத்துக்கு ஒளிப்பதிவு செய்துள்ளார். இந்தப் படத்தின் மீது மிகுந்த எதிர்பார்ப்பு உள்ளது.