நடிகர் அஜித்தின் 'வலிமை' திரைப்படம் கலவையான விமர்சனங்களைப் பெற்றாலும், திரையிட்ட இடங்களில் எல்லாம் மக்களின் ஆதரவுடன் நல்ல வசூலைப் பெற்று வருவதாக கூறப்படுகிறது. இந்தப் படம் கிட்டத்தட்ட ரூ.200 கோடிக்கு அதிகமாக வசூலித்துள்ளதாம்.
இதையும் படிக்க | மாஸ்டர் ’குட்டி ஸ்டோரி’ புதிய சாதனை
இதனையடுத்து அடுத்ததாக நடிகர் அஜித் குமார், இயக்குநர் வினோத், தயாரிப்பாளர் போனி கபூர் இணையும் படத்துக்கு தற்காலிகமாக 'ஏகே 61' என்று அழைக்கப்படுகிறது. இந்தப் படத்தின் பூஜை இன்று (மார்ச் 9) நடைபெறவிருக்கிறதாம்.
இந்தப் படத்தில் 'நட்புனா என்னனு தெரியுமா', 'லிஃப்ட்', 'ஆகாசவாணி' உள்ளிட்ட படங்களில் நாயகனாக நடித்த கவின் முக்கிய வேடத்தில் நடிக்கவிருப்பதாக கூறப்படுகிறது.
இதையும் படிக்க | நடிகர் ரஜினிக்கு முதன்முதலாக ரசிகர் மன்றம் ஆரம்பித்த முத்துமணி மரணம்
முன்னதாக 'வலிமை' படத்தில் இசையமைப்பாளர் யுவன் ஷங்கர் ராஜாவுடன் ஏற்பட்ட மனக்கசப்பால் இந்தப் படத்துக்கு ஜிப்ரான் அல்லது அனிருத் இசையமைப்பாளராக ஒப்பந்தமாக வாய்ப்பிருப்பதாக தெரிகிறது.
மேலும் வருகிற மார்ச் 19 அன்று இந்தப் படத்தின் படப்பிடிப்பு துவங்கப்படும் என்றும் இந்த வருட தீபாவளக்கு படத்தை வெளியிட திட்டமிடப்பட்டுள்ளதாகவும் கூறப்படுகிறது. பூஜையின்போது எடுக்கப்பட்ட புகைப்படங்கள் விரைவில் வெளியாகும் என்று எதிர்பார்க்கப்படுகிறது.