மலையாள சூப்பர் ஸ்டார் மோகன்லாலின் மகன் பிரணவ் நாயகனாக நடித்த ஹிரிதயம் கடந்த ஜனவரியில் வெளியாகி விமர்சன ரீதியாக நல்ல வரவேற்பை பெற்றது. வினித் ஸ்ரீநிவாசன் இயக்கியிருந்தார்.
இந்தப் படத்தில் பிரணவுடன் கல்யாணி பிரியதர்ஷன், தர்ஷனா உள்ளிட்டோர் நாயகிககளாக நடித்திருந்தனர். இந்தப் படத்துக்கு ஹேசம் அப்துல் வாஹேப் இசையில் இந்தப் படத்தின் பாடல்கள் அனைத்தும் ரசிகர்களை வெகுவாக கவர்ந்தது. இசையமைப்பாளர் ஹேசம் அப்துல் வாஹேபை ஏ.ஆர்.ரஹ்மான் அழைத்து பாராட்டினார் என்பது குறிப்பிடத்தக்கது.
மோகன்லாலின் மகன் பிரணவும், இயக்குநர் பிரியதர்ஷனின் மகள் கல்யாணி பிரியதர்ஷன் நடிக்க, நடிகர் ஸ்ரீநிவாசனின் மகன் வினித் இயக்கிய இந்தப் படம் மலையாள சினிமாவில் வாரிசுகள் இணைந்து உருவாக்கிய படம் என்பது குறிப்பிடத்தக்கது.
இந்த நிலையில் இந்தப் படத்தின் தமிழ், தெலுங்கு, ஹிந்தி ஆகிய மொழிகளில் ரீமேக் செய்யும் உரிமையை ஃபாக்ஸ் ஸ்டார் ஸ்டுடியோஸ் மற்றும் தர்மா புரொடக்சன்ஸ் நிறுவனங்கள் கைப்பற்றியுள்ளன. விரைவில் தமிழில் நடிக்கும் நடிகர்கள் உள்ளிட்ட விவரங்கள் வெளியாகும் என்று எதிர்பார்க்கப்படுகிறது.