ராஜமௌலி இயக்கத்தில் ராம் சரண், ஜூனியர் என்டிஆர் இணைந்து நடித்த ஆர்ஆர்ஆர் படம் திரையரங்குகளில் வெளியாகி நல்ல விமர்சனங்களைப் பெற்றுவருகிறது. ரசிகர்களையும் பெரிதும் கவர்ந்துள்ளது.
இந்தப் படத்துக்கு பிரபலங்கள் பலரும் பாராட்டு தெரிவித்து வருகின்றனர். இயக்குநர் ஷங்கர் தனது ட்விட்டர் பக்கத்தில், ''காலத்துக்கும் எதிரொலிக்கும் கர்ஜனை. ஒப்பற்ற அனுபவத்தைக் கொடுத்த ஒட்டுமொத்த படக்குழுவினருக்கும் நன்றி.
ராம் சரண் ஆக்ரோசமான நடிப்பும், ஜூனியர் என்டிஆரின் மிரட்டலான பங்களிப்பும் உங்கள் மனதை கவரும். உங்கள் கற்பனை தோற்கடிக்க முடியாததாக இருக்கிறது 'மகாராஜ'மௌலி'' என்று குறிப்பிட்டுள்ளார்.
இயக்குநர் ஷங்கர் தற்போது ராம்சரண் நாயகனாக நடிக்கும் ஆர்சி 15 என தற்காலிகமாக பெயரிடப்பட்டுள்ள படத்தை இயக்கி வருகிறார். இந்தப் படத்தில் ராம் சரணுக்கு ஜோடியாக கியாரா அத்வானி நடிக்கிறார். தமன் இந்தப் படத்துக்கு இசையமைக்கிறார்.