பிரபுதேவா நடிக்கும் சிங்காநல்லூர் சிக்னல்!

நடிகர் பிரபுதேவாவின் புதிய படத்தின் முதல் பார்வை போஸ்டர் வெளியாகியுள்ளது.

இயக்குநரும் நடிகருமான பிரபுதேவா தமிழில் அடுத்தடுத்த படங்களில் நடிக்க ஒப்பந்தமாகியுள்ளார். இவர் நடிப்பில், பேட்ட ராப், வுல்ஃப், லைப் இஸ் பியூட்டிஃபுல், மூன் வாக் உள்ளிட்ட படங்கள் உருவாகி வருகின்றன.

இதற்கிடையே, நடிகர் விஜய்யின் கோட் படத்திலும் முக்கிய கதாபாத்திரத்தில் நடித்திருக்கிறார்.

இந்த நிலையில், பிரபுதேவாவின் புதிய படம் குறித்த அறிவிப்பு இன்று வெளியாகியுள்ளது. ஜே.எம்.ராஜா இயக்கும் இப்படத்தில் இசையமைப்பாளர் யுவன்சங்கர் ராஜா இசையமைக்கிறார்.

இந்தப் படத்துக்கு சிங்காநல்லூர் சிக்னல் எனப் பெயரிடப்பட்டுள்ளது. படத்தின் முதல் பார்வை போஸ்டரும் வெளியிடப்பட்டுள்ளது.

இந்த போஸ்டர் மூலம் இப்படத்தில் போக்குவரத்து காவலர் கதாபாத்திரத்தில் பிரபுதேவா நடிக்கவுள்ளது தெரியவந்துள்ளது.