மீண்டும் வெளியாகவிருக்கும் ஆளவந்தான்

சுரேஷ் கிருஷ்ணா இயக்கத்தில் கமல்ஹாசன் நடித்து வெளியான படம் "ஆளவந்தான்.'  கமலின் தனித்துவமான நடிப்பு, பாடல்கள், இசை என பலவித பாய்ச்சல்கள் படத்தில் இருந்தாலும், வசூல்ரீதியாக படம் பெரும் தோல்வியைத் தழுவியது. ஒரு சில திரையரங்குகளில் ஒரு காட்சிக்கு மேலாகக் கூட இப்படம் நிற்கவில்லை. படத்தின் தொழில்நுட்பத்துக்கு ஏற்றவாறு பல திரையரங்குகள் வடிவமைக்கப்படாததே இதற்கு முக்கிய காரணமாகச் சொல்லப்பட்டது. இந்நிலையில் தற்கால தொழில்நுட்பத்தில் மீண்டும் வெளிவரவுள்ளது "ஆளவந்தான்.' சுமார் 500-க்கும் அதிகமான திரையரங்குகளில் இப்படத்தை மீண்டும் வெளியிடத் திட்டமிட்டுள்ளார் தயாரிப்பாளர் தாணு.