சுடச்சுட

    

    பெங்களூரில் ஜூன் 17-ஆம் தேதி முதல் 20-ஆம் தேதி வரை உலக மகா காவியங்கள் தேசிய மாநாடு நடைபெறுகிறது.

    இதுகுறித்து வியாழக்கிழமை பேராசிரியர் எஸ்.ரங்கநாத் செய்தியாளர்களிடம் கூறியது:

    உலக அளவில் பல்வேறு மொழிகளில் மகா காவியங்கள் படைக்கப்பட்டுள்ளன. தேசிய அளவில் இந்திய மொழிகளில் பல மகா காவியங்கள் இடம் பெற்றுள்ளன. புராதன காலத்திலிருந்தே ராமாயணம், மகாபாரதம் உள்ளிட்ட மகா காவியங்கள் உலக அளவில் பிரபலமாகியுள்ளன.

    முதல்முறையாக தேசிய அளவில் உலக மகா காவியங்கள் மாநாட்டிற்கு ஏற்பாடு செய்துள்ளோம். இந்த மாநாட்டில் 60-க்கும் மேற்பட்ட உலக மகா காவியங்கள் இடம் பெற உள்ளன. அவை கன்னடம், துளு, கொடவா, தெலுங்கு, தமிழ், மலையாளம், இந்தி, குஜராத்தி, பஞ்சாபி, காஷ்மீரி, உருது, கிரேக்கம், லத்தீன் உள்ளிட்ட மொழிகளில் உள்ள மகா காவியங்களாகும்.

    பெங்களூரில் ஜூன் 17-ஆம் தேதி நடைபெறும் இந்த மாநாட்டை ஓய்வுபெற்ற நீதிபதி பி.என்.கிருஷ்ணா தொடக்கிவைக்கிறார். மாநாட்டில் ஞானபீட விருது பெற்ற இலக்கியவாதி சந்திரசேகரகம்பாரா, கர்நாடக கலாசார பல்கலைக்கழகத்தின் முன்னாள் துணை வேந்தர் மல்லாப்புரா வெங்கடேஷ் உள்ளிட்டோர் கலந்து கொள்கின்றனர்.

    உலக மகா காவியங்கள் தேசிய மாநாட்டிற்கு இஸ்கான் தலைவர் மது பண்டிட்தாஸ் தலைமை ஏற்க உள்ளார் என்றார்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai