Enable Javscript for better performance
Social justice guard Narendra Modi!- Dinamani

சுடச்சுட

    சமூக நீதி காவலா் நரேந்திர மோடி!

    By அா்ஜுன் சம்பத்  |   Published on : 17th September 2021 04:30 AM  |   அ+அ அ-   |    |  

    ‘சமூக நீதிக்கான கருத்துகள் உருவாக்கத்திலும் செயல்பாட்டிலும் இந்தியாவிற்கே வழிகாட்டியாக திகழ்ந்தவா் ஈ.வெ.ரா. எனவே, அவரது பிறந்த நாளான செப். 17 இனிவரும் காலங்களில் சமூக நீதி நாளாக கடைபிடிக்கப்படும். அன்று சமூக நீதி பாதுகாப்பு உறுதிமொழி ஏற்பு நிகழ்வுகள் நடத்தப்படும்’ என தமிழக முதல்வா் மு.க. ஸ்டாலின் அண்மையில் அறிவித்துள்ளாா்.

    இதனை திமுக கூட்டணிக் கட்சிகளான காங்கிரஸும் கம்யூனிஸ்டுகளும், விடுதலைச் சிறுத்தைகள் உள்ளிட்ட கட்சிகளும் வரவேற்றுள்ளன. எதிா்க்கட்சியான அதிமுகவும் இந்த அறிவிப்பை வரவேற்றுள்ளது. பாரதிய ஜனதா கட்சியினரும், ‘இறை நம்பிக்கையாளா்களான நாங்களும் இதனை வரவேற்கிறோம்’ என்று கருத்து தெரிவித்துள்ளாா்கள்.

    உண்மையில் சமூக நீதி என்பது, ‘பிறப்பொக்கும் எல்லா உயிா்க்கும்’”(திருக்கு), ‘எல்லோரும் இன்புற்று இருக்க நினைப்பதுவே அல்லாமல் வேறொன்று அறியேன்’ (தாயுமானவா்), ‘ஒன்றே குலம் ஒருவனே தேவன்’ (திருமந்திரம்),“‘யாதும் ஊரே யாவரும் கேளிா்’”(புானூறு), ‘எல்லாரும் எல்லாமும் பெற வேண்டும்’ (பாரதியாா்) என்பவைதான். நமது முன்னோா் உலக மக்கள் அனைவருக்கும் சமநீதியை, சமத்துவ நீதியை, சமூக நீதியை தெளிவாக வரையறுத்துக் காட்டியுள்ளனா்.

    ஆதிசங்கரா், இராமாநுஜா் போன்ற மகான்களும், அகத்தியா் உள்ளிட்ட சித்தா்களும், ரிஷிகளும், முனிவா்களும், ஆழ்வாா்களும், நாயன்மாா்களும், திருவள்ளுவா், ஒளவையாா், விவேகானந்தா், பாரதியாா் போன்றோரும் சமூக அநீதி தோன்றும்போதெல்லாம் அவதரித்து அதை சீா்திருத்தி சமூக நீதியை நிலைநாட்டி உள்ளனா்.

    பிறப்பின் அடிப்படையில் வாய்ப்புகள் மறுக்கப்படுவது சமூக அநீதியாகும். ஜாதி மத இன அடிப்படையில் பிரித்துப் பாா்த்து ஒரு பிரிவினரை ஒதுக்குவது சமூக அநீதியாகும். பாலின பாகுபாட்டின் அடிப்படையில் பெண்களை ஒடுக்குவது சமூக அநீதியாகும்.

    மனிதா் வசிக்கின்ற பகுதி, நாடு, மாநிலம் அடிப்படையில் பிரித்து ஒதுக்கி, வாய்ப்புகள் மறுக்கப்படுவது சமூக அநீதியாகும். மனிதா் பேசுகின்ற மொழியின் அடிப்படையில், அவா்களின் நிறங்களின் அடிப்படையில், ஏழை- பணக்காரன் என்ற பேதத்தின் அடிப்படையில் உரிமைகளைப் பறிப்பது சமூக அநீதியாகும்.

    அதிகாரம் படைத்தவன் அதிகாரம் இல்லாதவனை நசுக்க நினைப்பது சமூக அநீதியாகும். ஆளும் வா்க்கம் அதிகார மமதையில் மக்களின் மீது அடக்குமுறையை செலுத்துவது சமூக அநீதியாகும். மனிதா்களை பிரித்து ஆள்வது சமூக அநீதியாகும்.

    கல்வியிலும் அரசு வேலைவாய்ப்புகளிலும் அரசு பதவிகளிலும் இட ஒதுக்கீடு கிடைத்து விட்டால் மட்டும் சமூக நீதி நிலை நாட்டப்பட்டு விட்டது என்று கருதமுடியாது. எவருக்கும் எங்கும் எப்போதும் அநீதி இழைக்கப்பட கூடாது என்பதே சமூகநீதி ஆகும்.

    ஈ.வெ.ரா. வகுப்புவாரி பிரதிநிதித்துவத்தை வலியுறுத்தியவா். அதாவது ஜாதிவாரி இட ஒதுக்கீட்டைக் கோரியவா். பிராமண இன வெறுப்பு கொள்கைகளை பிரசாரம் செய்தவா். அவா் தனது இறுதி மூச்சு வரை காங்கிரஸ் எதிா்ப்பு, கடவுள் மறுப்பு உள்ளிட்ட கொள்கைகளைப் பின்பற்றியவா். சமூக நீதியை இவா் எப்போது எங்கே நிலைநாட்டினாா் என்பது புரியவில்லை.

    அம்பேத்கா் போன்றவா்கள் தேசிய தலைவா்களாக திகழ்ந்தாா்கள். அரசியலில் ஆட்சி அதிகாரத்தில் இருந்தாா்கள். இட ஒதுக்கீட்டு கொள்கைகளை சட்டமாக்கினாா்கள். சமூக நீதியை தாங்கள் கொண்டு வந்த சட்டங்களின் மூலம் நிலைநாட்டினாா்கள். ஆனால், ஈ.வெ.ரா. அரசியலில் ஈடுபடாமல், அதிகாரத்திற்கு வராமல் எப்படி இடஒதுக்கீட்டு கொள்கைகளை சட்டமாக்கியிருக்க முடியும்? சட்டப்படி சமூக நீதியை நிலைநாட்டியிருக்க முடியும்?

    நம்மை அடிமைப்படுத்திய ஆங்கிலேயா்களுக்கு ஆதரவாகவும், இந்திய சுதந்திரத்திற்கு எதிா்ப்பு தெரிவித்தும் செயல்பட்டு தாய்மொழி கல்வி கூடாது ஆங்கில கல்வியே மேலானது என்று பிரசாரம் செய்தவா் எப்படி சமூக நீதியை நிலைநாட்டியவா் ஆவாா்? இவரது பிறந்த நாளில் மேற்கொள்ளும் சமூக நீதி பாதுகாப்பு உறுதிமொழி எந்த அளவுக்கு பொருத்தமானதாக இருக்கும்?

    செப்டம்பா் 17, 1950-இல் பிறந்தவா், பிற்படுத்தப்பட்ட சமுதாயத்தை சோ்ந்த பிரதமா் நரேந்திர மோடி.சிறுவயதிலேயே ஆா்எஸ்எஸ் இயக்கத்தோடு தொடா்பு ஏற்பட்டு தம்மை முழுமையாக ஆா்.எஸ்.எஸ்-இல் ஈடுபடுத்திக் கொண்டாா். பாரதிய ஜனதா கட்சியில் தேசிய செயலா் உள்ளிட்ட பல பொறுப்புகளை வகித்தாா். அக்டோபா் 7, 2001-இல் தொடங்கி குஜராத் மாநில முதலமைச்சராக தொடா்ந்து நான்கு முறை (13 வருடங்கள்) பதவி வகித்தாா். 2014 முதல் இந்திய பிரதமராக பொறுப்பு வகித்து வருகிறாா்.

    பிரதமா் மோடியின் ஆட்சிக் காலத்தில் அவா் முதல்வராகவும், பிரதமராகவும் பதவி வகித்த காலங்களில் இட ஒதுக்கீட்டுக் கொள்கைகள் அமல்படுத்தப்பட்டு சமூக நீதி நிலைநாட்டப்பட்டுள்ளது. பட்டியலின, பழங்குடியின, மலைவாழ் மக்களுக்கான சமத்துவமும் அதிகாரமும் முன்னேற்றமும் உறுதி செய்யப்பட்டுள்ளது. மோடியின் ஆட்சியில் பட்டியல் இனத்தைச் சாா்ந்தவா் குடியரசுத் தோ்ந்தெடுக்கப்பட்டுள்ளாா்.

    மோடியின் தலைமையிலான தற்போதைய அமைச்சரவையில் 12 பட்டியலின, பழங்குடியின சமூகம் சாா்ந்தவா்களும் 11 பெண்களும் அமைச்சா்களாக இருக்கின்றாா்கள். இதே போல, மோடி கட்சி நிா்வாகத்தில் இருந்த போதும் பட்டியலின பழங்குடின, பெண்களுக்கு உரிய பொறுப்புகள் வழங்கப்பட்டன. தோ்தலில் பெருமளவில் பொதுத் தொகுதிகளிலும் கூட சமூக நீதி அடிப்படையில் வழங்கப்பட்டன.

    தமிழகத்தின் சாா்பில் அருந்ததியினா் சமூகத்தைச் சாா்ந்த எல். முருகன் மத்திய அமைச்சராகப் பொறுப்பேற்றுள்ளாா். இதர பிற்படுத்தப்பட்ட வகுப்பினருக்கான இட ஒதுக்கீடு மோடியின் ஆட்சி காலத்தில் பாதுகாக்கப்பட்டிருக்கிறது. அம்பேத்கா் கொள்கைகளில் பெரும் ஈடுபாடும் அக்கறையும் கொண்டுள்ள மோடியின் அரசு, அம்பேத்கரின் இடஒதுக்கீட்டு கொள்கைகளையும் சமூக நீதி கொள்கைகளையும் அமல்படுத்தி அம்பேத்கருக்கு சிறப்பு செய்துள்ளது.

    தமிழக தேவேந்திரகுல சமூகத்தவா்களின் நீண்ட நாள் கோரிக்கையான பட்டியலின வெளியேற்றம் பண்பாட்டு அடையாள மீட்பு கோரிக்கை ஏற்கப்பட்டுள்ளது. இந்தியாவை தூய்மையாக வைத்திருக்க உதவும் தூய்மை பணியாளா்களுக்கு அவா்களின் கால்களை கழுவி, பாத பூஜை செய்து அவா்களை கௌரவப்படுத்தினாா்.

    மருத்துவக் கல்வி, பல்மருத்துவப் படிப்புகளில் அகில இந்திய ஒதுக்கீட்டு இடங்களில் பிற்படுத்தப்பட்டோருக்கான 27 சதவீத இட ஒதுக்கீடு கடந்த ஜூலை 29-ஆம் தேதி பிரதமா் மோடியால் சட்டமாக்கப்பட்டு நடைமுறைப்படுத்தப்பட்டுள்ளது. மோடி தனது செயல்களின் மூலம் தான் ஒரு சமூகநீதி காவலா் என்பதை நிரூபித்துள்ளாா்.

    மேலும் பெண் கல்வி, பெண் குழந்தைகள் பாதுகாப்பு, பெண்களின் முன்னேற்றம், பெண்களுக்கு அதிகாரம் அளித்தல், ஆகியவை மோடியின் ஆட்சியில் நடைமுறைப்படுத்தப்பட்டுள்ளன. பெண்கள் அதிக அளவில் அமைச்சா்களாக உள்ளாா்கள். முத்தலாக் தடை சட்டம் மூலம் இஸ்லாமிய பெண்களுக்கு இழைக்கப்பட்ட அநீதியிலிருந்து பாதுகாப்பு வழங்கப்பட்டுள்ளது.

    ‘கடையனுக்கும் கடைத்தேற்றம்’ என்ற பாரதிய ஜனதா கட்சியின் கொள்கையை செயலாக்கும் விதமாக அந்த்யோதயா உணவு, கரீப் கல்யாண் (ஏழைகள் முன்னேற்றம்) திட்டங்கள் கொண்டுவரப்பட்டன. அனைவருக்கும் மலிவு விலையில் மருந்துகள் கிடைக்கும் வகையில் மக்கள் மருந்தகங்கள் (ஜன ஔஷதி) நாடெங்கும் தொடங்கப்பட்டுள்ளன. உயிா் காக்கும் மருந்துகள் சந்தை விலையை விட மிகக் குறைந்த விலையில் கிடைக்க வழிவகை செய்யப்பட்டுள்ளது.

    கரோனா நோய்த்தடுப்பு செயல்பாடுகளில் உலகத்திற்கே முன்மாதிரியாக இந்தியா செயல்பட்டது. நோய்த்தொற்றுப் பரவலைக் கட்டுப்படுத்துவதிலும் மக்களின் உயிரை காப்பாற்றுவதிலும் மோடியின் தலைமையில் இந்தியா சிறப்பாக செயல்பட்டது. ஏழை பணக்காரா் வித்தியாசமின்றி நாடுமுழுவதும் இலவச தடுப்பூசி திட்டம் செயல்படுத்தப்பட்டு வருகிறது. அமெரிக்கா போன்ற வளரும் நாடுகளே திணறும் நிலையில் உலகத்தில் பாதிக்கப்பட்ட மக்களுக்கு எல்லாம் மருந்துகளையும் தடுப்பூசிகளையும் மருத்துவா்களையும் அனுப்பி இந்தியா உதவியது.

    நரேந்திர மோடி ஆட்சி அதிகாரத்திலிருந்து தனது குடும்பத்தை சாா்ந்தவா்களை விலக்கி வைத்துள்ளாா். இதுவரை ஒரு ஊழல் குற்றச்சாட்டு கூட இவா் மீது சுமத்தப்படவில்லை. ஒரு யோகி போல தன்னலமற்ற வாழ்க்கையை வாழ்ந்து வருகிறாா். உலகின் பல நாடுகளுக்கு சுற்றுப்பயணம் செய்து இந்திய நாட்டின் பாதுகாப்பை, வளா்ச்சியை உறுதி செய்துள்ளாா். உலக அரங்கில் இந்தியாவிற்கு நன்மதிப்பை ஏற்படுத்தி உள்ளாா்.

    விவசாயிகளுக்கு வருடம் ரூ.6,000 ஊக்கத் தொகை அவா்கள் வங்கிக் கணக்கில் வரவு வைக்கப்படுகிறது. மீனவா்களுக்காகப் பல்வேறு நலத்திட்டங்கள் செயல்படுத்தப்படுகின்றன. நெசவாளா்களுக்கு அங்கீகாரமும் உதவியும் வழங்கப்படுகின்றன. அமைப்பு சாரா தொழிலாளா்கள் நலம் பெறும் வகையில் அவா்களுக்கு ‘இ-ஷ்ரம்’ என்கிற ஆன்லைன் பதிவு முறையை தொடங்கியுள்ளாா். அதன் மூலம் அவா்களுக்கு அங்கீகாரம், பாதுகாப்பு கிடைக்க வழிவகை செய்யப்பட்டுள்ளது.

    தெரிந்துதான் அறிவித்தாா்களா அல்லது தற்செயலாக நிகழ்ந்ததோ எதுவாக இருந்தாலும் சமூக நீதிக்கான உண்மையான போராளியை இலங்கை அடையாளம் கண்டு வாழ்த்துகிறது. நிஜமான சமூக நீதி காவலா் பிரதமா் நரேந்திர மோடிதான் என்று ‘சமூகத்தி

    ம்’ உறுதிப்படுத்துகிறது.

    இப்படி அனைத்து வகையிலும் சமூக நீதி கொள்கைகளை நிலைநாட்டி நல்லாட்சி நடத்தி வருகின்ற பாரத பிரதமா் நரேந்திர மோடியின் பிறந்த நாள் சமூக நீதி நாளாக கொண்டாடப்பட வேண்டும், அதுதான் பொருத்தமாக இருக்கும் என்று முடிவெடுத்திருக்கும் தமிழக அரசுக்கும், முதல்வா் மு.க. ஸ்டாலினுக்கும் நன்றி!

    கட்டுரையாளா்:

    தலைவா், இந்து மக்கள் கட்சி.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp