ரீட்டா லெவி-மொண்டால்சினி- நரம்பியல் நிபுணர்
ரீட்டா லெவி-மொண்டால்சினி (Rita Levi-Montalcini ) என்பவர் பெண் இத்தாலிய மருத்துவ நரம்பியல் நிபுணர். இவர் இத்தாலியின் டுரின் நகரில் உள்ள ஒரு பணக்கார யூத குடும்பத்தில் பிறந்தார். நான்கு குழந்தைகளில் மூன்றாவது குழந்தை. பெற்றோர் ஆடமோ லெவி மற்றும் அடீல் மொண்டால்சினி.
ரீட்டா லெவி-மொண்டால்சினி ஏப்ரல் 22, 1909 அன்று இத்தாலியின் டுரின் நகரில் பிறந்தார். அவரது தந்தை ஒரு மின்-பொறியியலாளர் மற்றும் கணிதவியலாளர்; அன்னை ஒரு கலைஞர். ஸ்வீடிஷ் எழுத்தாளர் செல்மா லாகர்லெப்பின் புத்தகங்களால் ஈர்க்கப்பட்ட அவர், ஒரு எழுத்தாளராகப் பரிணமிக்க வேண்டும் என்று விரும்பினார். அவரது தந்தை அவரை அதிகம் படிக்க வைக்க விருப்பப்படாமல், குறைவாக படிக்க ஒரு பள்ளியில் சேர்த்தார். ஆனால் டுரின் பல்கலைக்கழகத்தில் மருத்துவம் படிக்க முடிவு செய்தார்.
நோபல் பரிசாளர்
ரீட்டா லெவி-மொண்டால்சினி ஒரு நோபல் பரிசாளர். மருத்துவத்துறையில் நான்காவது நோபல் பரிசு பெற்ற பெண் இவர் (1901-2020 வரை கொடுக்கப்பட்ட நோபல் பரிசாளர்களில் ஆண்கள்: 962, பெண்கள்: 58) நரம்பு வளர்ச்சிக் காரணி (என்ஜிஎஃப்) கண்டுபிடித்ததற்காக 1986 ஆம் ஆண்டில் உடலியல் அல்லது மருத்துவத்துக்கான நோபல் பரிசை வென்றார். அவர் நோபல் பரிசை ஸ்டான்லி கோஹனுடன் பகிர்ந்து கொண்டார். 103 வயதை எட்டிய முதல் நோபல் பரிசு வென்றவர் இவர்.
தந்தை விருப்பமும் மகள் முடிவும்
திருமணத்திற்கு சிறுமிகளை தயார்படுத்தும் ஒரு உயர்நிலைப் பள்ளியில் சேர்க்கவே ரீட்டா லெவி-மொண்டால்சினியின் தந்தை விரும்பினார், ஆனால் லெவி-மொண்டால்சினி குழந்தைகளைப் பெற விரும்பவில்லை. அவள் ஒரு பல்கலைக்கழகத்திற்கு செல்ல விரும்பினாலும், அவளுடைய பெற்றோர் அந்த யோசனையை ஆதரிக்கவில்லை. மூன்று ஆண்டுகளுக்குப் பிறகு, அவரை கவனித்துக்கொள்ளும் ஆயாவுக்கு புற்றுநோய் வந்தது. இது ரீட்டா லெவியின் மருத்துவராகும் கனவை முடிவாக்க ஊக்கப்படுத்தியது.
மருத்துவப்படிப்பு
ரீட்டா லெவி-மொண்டால்சினி 1930 இல் டுரின் மருத்துவப் பள்ளிக்கு விண்ணப்பித்து அங்கேயே சேர்ந்தார். மேலும் அதில் அவர் மனித மூளை, முதுகெலும்பு மற்றும் நரம்புகளின் அமைப்பு தொடர்பான நரம்பு மண்டல மருத்துவத்தைப் படித்தார். 1936 இல் மருத்துவத்தில் பட்டம் பெற்றார்.
பட்டப்படிப்பை முடித்த பின்னர், அவர் நரம்பியலாளர் கியூசெப் லெவியின் உதவியாளராக வேலைக்குச் சென்றார், அங்கு அவர் வெள்ளிக்கறை படிந்த நரம்பு செல்கள் நுட்பத்தை கற்றுக் கொண்டார். அவை நுண்ணோக்கியின் கீழ் தெரிவதைப் பார்த்து அதில் மயங்கி அதனைத் தீவிரமாக ஆராய்ந்தார். ஆராய்ச்சி செய்ய ஆராய்ச்சி உதவியாளரானார். செல்கள் எவ்வாறு உருவாக்கப்பட்டன என்பதை ஆய்வு செய்ய 1942 ஆம் ஆண்டில், லெவி-மொண்டால்சினி கோழியின் கருவில் பரிசோதனை செய்தார்.
ஆராய்ச்சிகள்
விக்டர் ஹாம்பர்கர் என்ற கருவில் உள்ள நரம்பு மண்டலத்தைப் படிக்கும் ஒருவரை, 1946 இல் தொடர்பு கொண்டார், வாஷிங்டன் பல்கலைக்கழகத்தில் வருகை தரும் ஆராய்ச்சி நிலையை நிரப்ப அழைத்தார். அவருடைய உதவியிலும் படித்தார்.
லெவி-மொண்டால்சினி உயிரணு வளர்ச்சி குறித்த ஆராய்ச்சிக்கு பிரபலமானவர். அவரது முதல் பரிசோதனை அவரது வீட்டில் ஒரு சிறிய ஆய்வகத்தில் செய்யப்பட்டது. காரணம் அப்போது முசோலினி (1883-1945) என்ற சர்வாதிகாரியால் இத்தாலி ஆட்சி செய்யப்பட்டது. அதனால் லெவி-மொண்டால்சினி யூதராக இருந்ததால் ஆராய்ச்சி செய்ய அனுமதிக்கப்படவில்லை.
முசோலினி யூதர்களுக்கு எந்தவொரு முக்கியமான வேலையைச் செய்யவும் அனுமதிக்கமாட்டார். 1943 இல் இத்தாலி மீது ஜெர்மனியர்கள் படையெடுத்தனர். லெவி-மொண்டால்சினி ஜெர்மனியர்களின் பெரும் ஆபத்தில் இருந்து தப்பிக்க புளோரன்ஸ் நகருக்கு ஓடினார். அவர் புளோரன்ஸ் நகருக்குச் சென்று தனது குடும்பத்தினருடன் கொஞ்ச காலம் தலைமறைவு வாழ்க்கை வாழ்ந்தார். போர் முடிந்ததும், டுரின் பல்கலைக்கழகத்தில் பணிக்குத் திரும்புவதற்கு முன்பு ஒரு வருடம் அகதி முகாமில் மருத்துவராகப் பணியாற்றினார். ஜெர்மனியர்கள் வெளியேறும் வரை தலைமறைவாக இருந்தார்.
படுக்கை அறையே ஆய்வகமாக..
லெவி-மொண்டால்சினி இரண்டாம் உலகப் போருக்குப் பிறகு சிறந்த ஆய்வகங்களில் பரிசோதனை செய்ய அனுமதிக்கப்பட்டார். லெவி-மொண்டால்சினி தனது மருத்துவ வாழ்க்கையை இரண்டாம் உலகப் போருக்குப் பிறகு முடித்தார், 1944 முதல் 1945 வரை லெவி-மொண்டால்சினி மருத்துவராக போர் அகதிகளை கவனித்து வந்தார்.
அப்போது டைபஸ் தொற்றுநோய் அவர் செஞ்சிலுவைச் சங்கத்துடன் பணிபுரிந்த அகதி முகாமில் மோதியது. அதன் உச்சத்தில், ஒரு நாளைக்கு 50 பேர் இந்த நோயால் பாதிக்கப்பட்டனர். இந்த அனுபவம் லெவி-மொண்டால்சினியை மருந்தைக் கைவிடத் தூண்டியது, பாதிக்கப்பட்ட நோயாளிகளைப் பராமரிக்கும்போது பிரிந்து இருக்க இயலாமை மற்றும் அவரது ஆராய்ச்சியில் கவனம் செலுத்தத் தூண்டியது இரண்டாம் உலகப் போரின்போது தனது படுக்கையறையை ஒரு ஆய்வகமாக மாற்றினார்.
நரம்பியல் ஆய்வும் நோபல் பரிசும்
லெவி-மொண்டால்சினி 1950களில், மனித நரம்பு மண்டலத்தில் உள்ள ஒரு புரதத்தைக் கண்டுபிடித்தார். அதனை அவர் என்ஜிஎஃப் (NGF Neuron Growth Factor) என்று பெயரிட்டார். பின் அவர் வாஷிங்டன் பல்கலைக்கழகத்தில் உயிர் வேதியியலாளர் ஸ்டான்லி கோஹனுடன் பணிபுரிந்தார். அவர் என்ஜிஎப்பின் வேதியியல் கட்டமைப்பைக் கண்டுபிடித்து என்ஜிஎஃப் எதிர் உயிரிகளை (NGF Antibodies) உருவாக்க முடிந்தது. லெவி-மொண்டால்சினி மற்றும் கோஹன் இருவரின் படைப்புகளுக்கும் இணைந்தே 1986 ஆம் ஆண்டில் உடலியல் அல்லது மருத்துவத்திற்கான நோபல் பரிசு வழங்கப்பட்டது. மருத்துவத்துறையில் நோபல் பரிசு வென்ற நான்காவது பெண்மணி லெவி-மொண்டால்சினி.
பல பொறுப்புகள் & செயல்பாடுகள்
லெவி-மொண்டால்சினி வளர்ச்சிக் காரணிகளில் தொடர்ந்து பணியாற்றினார், 1961 இல் இத்தாலிக்குத் திரும்பினார், இத்தாலிய தேசிய சுகாதார நிறுவனத்தில் தனது சொந்த ஆராய்ச்சிப்பிரிவை நிறுவினார். 1962 ஆம் ஆண்டில் இத்தாலியின் ரோம் நகரில் உயிரியல் நிறுவனத்தை நிறுவினார். அவர் 1979 இல் ஓய்வு பெறும் வரை தனது நேரத்தை இத்தாலிக்கும் அமெரிக்காவிற்கும் இடையில் பிரித்தார். பின் 1992 இல் அவர் ஒரு கல்வி அடித்தளத்தை நிறுவினார். அவர் 2002 இல் ஐரோப்பிய மூளை ஆராய்ச்சி நிறுவனத்தை நிறுவி அதன் முதல் தலைவராக இருந்தார். கணவர் இல்லை. குழந்தைகள் இல்லை. அதனால் எந்த வருத்தமும் இல்லை அவருக்கு.
ரீட்டா லெவி-மொண்டால்சினி பற்றிய தனித் தகவல்கள்/உண்மைகள்
பரிசும் பதவிகளும்
உண்மையில், லெவி-மொண்டால்சினியின் வாழ்க்கையின் பிற்பகுதியில்தான் விஞ்ஞான பரிசுகள் மற்றும் கௌரவங்கள் அவரை வந்தடைந்தன. அது நீண்ட பட்டியலைக் கொண்டுள்ளது. 1987 ஆம் ஆண்டில், அவர் அமெரிக்க விஞ்ஞான பதக்கமான தேசிய பதக்கத்தைப் பெற்றார். அவரது தொடர்ச்சியான ஆராய்ச்சிக்கு கூடுதலாக, அவர் ஒரு உணவு மற்றும் விவசாய அமைப்பு (FAO) நல்லெண்ண தூதர் (1999) பொறுப்பை வழங்கியது.
2001 ஆம் ஆண்டில், லெவி-மொண்டால்சினியை இத்தாலிய குடியரசின் தலைவர் கார்லோ அசெக்லியோ சியாம்பி ஒரு இத்தாலிய செனட்டராக நியமித்தார். "சமூக, விஞ்ஞான, கலை அல்லது இலக்கியத் துறையில் சிறந்து விளங்கும் தேசபக்தித் தகுதிக்காக" வழங்கப்படுகிறது என்று தெரிவித்தார். மேலும் அவர் 2002 இல் ஐரோப்பிய மூளை ஆராய்ச்சி நிறுவனத்தை நிறுவி அதன் முதல் தலைவராக இருந்தார். சுமார் 25 விருதுகளையும் பதக்கங்களையும் பெற்றுள்ளார்.
லெவி-மொண்டால்சினி கருத்து
"தனது மகள்கள் மனைவிகளாகவும் தாய்மார்களாகவும் அமைதியான வாழ்க்கையை வாழ்வார்கள் என்று லெவி-மொண்டால்சினி தந்தையின் நம்பிக்கைகள் இருந்தபோதிலும், அவர் தன்னை ஒரு தாய்வழி உணர்வும் குழந்தைகளிடம் ஈர்ப்பும் இல்லாதவர் என்று விவரித்தார், மேலும் தன்னை வீட்டுக்கு தகுதியற்றவர் என்று தீர்மானித்தார்.
2006 ஆம் ஆண்டு ஒரு நேர்காணலில் அவர், 'எனது வாழ்க்கை சிறந்த மனித உறவுகள், வேலை மற்றும் நலன்களால் வளப்படுத்தப்பட்டுள்ளது. நான் ஒருபோதும் தனிமையை உணர்ந்ததில்லை' என்றார்.
லெவி-மொண்டால்சினியின் சமூக அக்கறை
லெவி-மொண்டால்சினி தனது வாழ்நாளில் தனக்கு அரசியல் பிடிக்கவில்லை, ஆனால் சமூகப் பிரச்னைகளை மேம்படுத்துவதில் பணியாற்றுவதில் மகிழ்ச்சி என்று கூறியுள்ளார். பெண்களின் அதிகாரம் மற்றும் வெற்றிக்கு கல்வி அவசியம் என்று கருதி, லெவி-மொண்டால்சினி தனது இரண்டாம் நூற்றாண்டு வாழ்க்கையில் ஒரு தூதுவராக/முன்னத்தி ஏராக தனது பணியைத் தொடர்ந்தார். அவர் தொடர்ந்து மாநாடுகளில் பேசினார், ஆப்பிரிக்காவில் உள்ள பெண்களுக்கு அவர்களின் கல்வியைத் தொடர உதவித்தொகைக்கு நிதியளிக்கும் அவரது அறக்கட்டளையுடன் பணியாற்றினார். அவர் 103 வயதில் இறக்கும் வரை அறிவியலுக்காகவும் பெண்களின் உரிமைகளுக்காகவும் தீவிரமாக பாடுபட்டார்.
மரணிப்பு
லெவி-மொண்டால்சினி திருமணம் செய்துகொள்ளாமல் 2012 டிசம்பர் 30 அன்று 103 வயதில் முதுமையால் இயற்கை எய்தினார். ஆனால் 2011 ல், அவர் ரோம் நகர, சபியென்சா பல்கலைக்கழகத்தில், கனடாவின் மெக்கில் பல்கலைக்கழக ஹானோரிஸ் காசா என்ற கௌரவ முனைவர் பட்டம் பெற்றார். .
எல்லை
லெவி-மொண்டால்சினி ஒரு விதிவிலக்கான பெண்மணி, அவர் தனது முன்னோடி பங்களிப்பு மற்றும் கடின உழைப்பின் மூலம் மற்றவர்கள் தனது அடிச்சுவடுகளைப் பின்பற்ற ஒரு அற்புதமான முன்மாதிரியினை அமைத்துள்ளார். திறமைக்கு எல்லை இல்லை என்பதை நிரூபித்த மருத்துவ பெண்மணி இவர்.
ஏப்ரல் 22 - ரீட்டா லெவி-மொண்டால்சினியின் பிறந்தநாள் இன்று!
[கட்டுரையாளர் - தமிழ்நாடு அறிவியல் இயக்கத்தின்
மேனாள் மாநிலத் தலைவர்]