Enable Javscript for better performance
சீன அரசின் உதவித் தொகைக்கு இந்திய மாணவா்கள் விண்ணப்பிக்கலாம்- Dinamani

சுடச்சுட

    

    சீன அரசின் உதவித் தொகைக்கு இந்திய மாணவா்கள் விண்ணப்பிக்கலாம்

    By DIN  |   Published on : 15th December 2019 03:10 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சீன அரசின் உதவித் தொகைக்காக தகுதி வாய்ந்த இந்திய மாணவர்கள் விண்ணப்பிக்கலாம் என மத்திய அரசு அறிவித்துள்ளது.
    இது தொடர்பாக மத்திய மனிதவள மேம்பாட்டுத் துறை அமைச்சகம் அறிவிப்பு வெளியிட்டுள்ளது. அதன் விவரம்:  
     2020} 21}ஆம் ஆண்டுக்கான சீன அரசின் உதவித்தொகையைப் பெற இந்திய மாணவர்களிடம் இருந்து விண்ணப்பங்கள் வரவேற்கப்படுகின்றன.
    இளநிலை, முதுநிலை, முனைவர் படிப்பைத் தொடர இந்த உதவித் தொகை வழங்கப்படும். நிரந்தர இந்திய குடிமக்களாக உள்ள மாணவர்களுக்கு மட்டுமே, இந்த உதவித் தொகை வழங்கப்படும். அவர்கள் விண்ணப்பிக்கும்போது இந்தியாவில் வசிக்க வேண்டியது அவசியம்.
    இந்தத் திட்டத்தின்கீழ் 40 பேருக்கு உதவித்தொகை வழங்கப்படும். தேர்வில் மாணவர்கள் பெறும் மதிப்பெண்களின் அடிப்படையில்,  தகுதியானவர்களுக்கு  உதவித்தொகை வழங்கப்படும்.  இளநிலைப் படிப்பு, முதுநிலைப் படிப்பு, முனைவர் படிப்பு ஆகியவற்றைத் தொடர இந்த உதவித் தொகையைப் பயன்படுத்திக் கொள்ளலாம். இளம்நிலைப் படிப்புக்கான உதவித் தொகையைப் பெற பிளஸ் 2 வகுப்பை முடித்திருக்க வேண்டும். 25 வயதுக்குள் இருக்க வேண்டும்.
    முதுநிலைப் படிப்புக்கான உதவித் தொகையைப் பெற இளம்நிலைப் படிப்பை முடித்திருக்க வேண்டும். 35 வயதுக்குள் இருக்க வேண்டும். முனைவர் படிப்புக்கு முதுநிலை முடித்தவராகவும் 40 வயதுக்கு உட்பட்டவராகவும் இருப்பது அவசியம்.
    தகுதிவாய்ந்த நபர்கள் சீனா உதவித்தொகை மையத்தின் (www.campuschina.org) வலைப்பக்கத்தில் பதிவு செய்ய வேண்டும். அதேபோன்று www.proposal.sakshat.ac.in/scholarship என்ற இணைய முகவரியிலும் விண்ணப்பிக்க வேண்டியது அவசியம்.  உதவித் தொகையைப் பெற ஜனவரி 24}ஆம் தேதிக்குள் விண்ணப்பிக்க வேண்டும் என அந்த அமைச்சகம் தெரிவித்துள்ளது.
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai