திருமலையில் 4 நாள்களுக்கு விஐபி பிரேக் தரிசனம் ரத்து

திருமலையில் வெள்ளிக்கிழமை முதல் 4 நாள்களுக்கு விஐபி பிரேக் தரிசனம் ரத்து செய்யப்பட்டிருப்பதாக தேவஸ்தானம் தெரிவித்துள்ளது.
திருமலையில் கடந்த 5 நாள்களாக பக்தர்களின் கூட்டம் தொடர்ந்து அதிகரித்துள்ளது. இதனால் பக்தர்கள் ஏழுமலையானைத் தரிசிக்க பல மணிநேரம் காத்திருக்கின்றனர்.
இந்நிலையில், வார இறுதி நாள்களான வெள்ளி, சனி, ஞாயிறு மற்றும் திங்கள்கிழமை உள்ளிட்ட 4 நாள்கள் தொடர்ந்து விஐபி பிரேக் தரிசனம், பரிந்துரை கடிதங்களுக்கு வழங்கும் தரிசனம் உள்ளிட்டவை ரத்து செய்யப்பட்டுள்ளது. இந்நாள்களில் புரோட்டோகால் விஐபிகளுக்கு மட்டுமே விஐபி பிரேக் தரிசனம் வழங்கப்படும் என்று தேவஸ்தான செயல் இணை அதிகாரி சீனிவாச ராஜு தெரிவித்துள்ளார்.