Enable Javscript for better performance
தொழிலாளர் இழப்பீட்டு சட்டத் திருத்த மசோதா: மக்களவையில் நிறைவேற்றம்- Dinamani

சுடச்சுட

    

    தொழிலாளர் இழப்பீட்டு சட்டத் திருத்த மசோதா: மக்களவையில் நிறைவேற்றம்

    By DIN  |   Published on : 06th April 2017 01:04 AM  |   அ+அ அ-   |    |  

    பணியிடங்களில் நேரிடும் விபத்துகளில் காயமடையும் தொழிலாளர்களுக்கு தலா ரூ.1 லட்சம் இழப்பீடு வழங்க வகை செய்யும் சட்டத் திருத்த மசோதா மக்களவையில் புதன்கிழமை நிறைவேறியது.
    விபத்துகள் நேரும் வண்ணம் அலட்சியமாகச் செயல்படும் தொழில் நிறுவனங்களுக்கு கடுமையான அபராதம் விதிக்கும் அம்சமும் அதில் இடம்பெற்றுள்ளது.
    தொழிலாளர் இழப்பீட்டு சட்டத் திருத்த மசோதா (2016) கடந்த ஆண்டு மக்களவையில் தாக்கல் செய்யப்பட்டு நிறைவேற்றப்பட்டது. இந்நிலையில், அந்த மசோதாவை மத்திய தொழிலாளர் நலத் துறை அமைச்சர் பண்டாரு தத்தாத்ரேயா, மாநிலங்களவையில் அண்மையில் தாக்கல் செய்தார்.
    பணியிடங்களில் நேரிடும் விபத்துகளில் ஊழியர்கள் எவரேனும் காயமடைந்தால், தற்போது ரூ.50,000 இழப்பீடு வழங்கப்பட்டு வருகிறது. அதனை ரூ.1 லட்சமாக உயர்த்த இந்தச் சட்டத் திருத்தத்தில் வகை செய்யப்பட்டுள்ளது. அதுமட்டுமன்றி பணிச் சூழல்களால் ஏற்படும் நோய்களுக்கும் இழப்பீடு வழங்கவும் அதில் திருத்தம் மேற்கொள்ளப்பட்டுள்ளது. மேலும், இத்தகைய விபத்துகளுக்கு பாதுகாப்பு அலட்சியங்களே காரணம் என்பது நிரூபணமானால் சம்பந்தப்பட்ட தொழில் நிறுவனத்துக்கு அதிகப்படியான அபராதம் விதிக்கவும் இந்தச் சட்டத் திருத்தத்தில் வகை செய்யப்பட்டுள்ளது.
    இநிலையில், அந்த மசோதாவில் 2 திருத்தங்கள் மேற்கொள்ளப்பட்டு மாநிலங்களவையில் அது அண்மையில் நிறைவேற்றப்பட்டது. அந்தத் திருத்தங்கள் மக்களவையின் ஒப்புதலுக்கு அனுப்பப்பட்டன. அதன் மீதான விவாதம், புதன்கிழமை நடைபெற்றது. அதைத்தொடர்ந்து இத்திருத்தங்கள் ஏற்றுக்கொள்ளப்பட்டு தொழிலாளர் இழப்பீட்டுச் சட்டத் திருத்த மசோதா மக்களவையில் நிறைவேற்றப்பட்டது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp