Enable Javscript for better performance
பிரதமரின் கல்வித் தகுதி குறித்து அவதூறு: கேஜரிவாலுக்கு பிடியாணை- Dinamani

சுடச்சுட

    

    பிரதமரின் கல்வித் தகுதி குறித்து அவதூறு: கேஜரிவாலுக்கு பிடியாணை

    By DIN  |   Published on : 12th April 2017 04:51 AM  |   அ+அ அ-   |    |  

    aravind_kejerwal

    பிரதமர் நரேந்திர மோடியின் கல்வித் தகுதி குறித்து அவதூறு கருத்து வெளியிட்டதாக தொடரப்பட்ட வழக்கில் தில்லி முதல்வர் அரவிந்த் கேஜரிவாலுக்கு எதிராக பிணையில் வெளிவரக்கூடிய பிடியாணையை அஸ்ஸாம் நீதிமன்றம் செவ்வாய்க்கிழமை பிறப்பித்தது.
    பிரதமர் நரேந்திர மோடியின் கல்வித் தகுதி குறித்து அரவிந்த் கேஜரிவால் கடந்த சில மாதங்களுக்கு முன்பு தனது சுட்டுரையில் ஒரு கருத்து பதிவிட்டிருந்தார். அதில், "மோடி பன்னிரெண்டாம் வகுப்பு மட்டுமே தேர்ச்சிப் பெற்றவர்; அவரது மேற்படிப்பு தொடர்பான பட்டங்கள் அனைத்தும் போலியானவை' என்று கேஜரிவால் குறிப்பிட்டிருந்தார்.
    இதற்கு எதிர்ப்பு தெரிவித்து தீபு மாவட்ட நீதிமன்றத்தில் அவதூறு வழக்கு தொடுக்கப்பட்டது. இந்த வழக்கை கடந்த டிசம்பர் மாதம் விசாரித்த நீதிமன்றம், ஜனவரி 30-ஆம் தேதி நேரில் ஆஜராகுமாறு கேஜரிவாலுக்கு உத்தரவிட்டது.
    இதையடுத்து, நீதிமன்றத்தில் ஆஜராக கேஜரிவால் தரப்பில் ஏப்ரல் 7-ஆம் தேதி வரை அவகாசம் கோரப்பட்டது. இதனை நீதிமன்றமும் ஏற்றுக்கொண்டது.
    ஆனால், இந்த வழக்கு தொடர்பாக கடந்த 7-ஆம் தேதியும் கேஜரிவால் ஆஜராகவில்லை. இந்நிலையில், இந்த வழக்கு, நீதிபதி நபா குமார் தலைமையில் செவ்வாய்க்கிழமை விசாரணைக்கு வந்தது.
    அப்போது, தில்லி மாநகராட்சித் தேர்தல் வரும் 23-ஆம் தேதி நடைபெறவுள்ளதால் தம்மால் அதுவரை நேரில் ஆஜராக முடியாது என்று கேஜரிவால் தரப்பில் தெரிவிக்கப்பட்டது.
    இதனை ஏற்க மறுத்த நீதிபதி தபா குமார் தேகா பரூவா, அரவிந்த் கேஜரிவாலுக்கு ரூ.10 ஆயிரம் பிணையில் வெளிவரக்கூடிய பிடியாணையை பிறப்பித்தார். மேலும், வரும் மே 8-ஆம் தேதி நீதிமன்றத்தில் கேஜரிவால் ஆஜராக வேண்டும் என்றும் நீதிபதி உத்தரவிட்டார்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp