Enable Javscript for better performance
நல்ல வாக்குப்பதிவு இயந்திரங்கள் இல்லாவிட்டால் வாக்குச்சீட்டு முறை- Dinamani

சுடச்சுட

    

    நல்ல வாக்குப்பதிவு இயந்திரங்கள் இல்லாவிட்டால் வாக்குச்சீட்டு முறை

    By DIN  |   Published on : 14th April 2017 01:06 AM  |   அ+அ அ-   |    |  

    election

    உத்தரப் பிரதேசத்தில் விரைவில் நடைபெற உள்ள நகராட்சித் தேர்தல்களில் பயன்படுத்துவதற்கு நல்ல முறையில் இயங்கக் கூடிய மின்னணு வாக்குப்பதிவு இயந்திரங்களை அளிக்க முடியாவிட்டால் வாக்குச்சீட்டு முறையில் தேர்தலை நடத்த அனுமதிக்குமாறு இந்தியத் தேர்தல் ஆணையத்தை மாநிலத் தேர்தல் ஆணையம் வலியுறுத்தியுள்ளது.

    இது தொடர்பாக உத்தரப் பிரதேச மாநிலத் தேர்தல் ஆணையர் எஸ்.கே.அகர்வால், பிடிஐ செய்தியாளரிடம் கூறியதாவது:
    தலைமைத் தேர்தல் ஆணையர் நசீம் ஜைதியை நான் அண்மையில் சந்தித்துப் பேசினேன்.
    அப்போது, நகராட்சித் தேர்தலை நடத்துவதற்கு நல்ல முறையில் இயங்கக் கூடிய புதிய மின்னணு வாக்குப்பதிவு இயந்திரங்களை வழங்குமாறு கேட்டுக் கொண்டேன். இல்லாவிட்டால், வாக்குச்சீட்டு முறையில் நகராட்சித் தேர்தலை நடத்த எங்களை அனுமதிக்க வேண்டும்.
    கடந்த 2012-ஆம் ஆண்டு நடைபெற்ற நகராட்சித் தேர்தலின்போது தேர்தல் ஆணையம் அளித்திருந்த வாக்குப்பதிவு இயந்திரங்கள் 2006-ஆம் ஆண்டில் தயாரிக்கப்பட்டவை ஆகும். எங்களின் தேவைகளுக்கு ஏற்ப அவை இல்லை.
    மாநிலத்தில் நகராட்சித் தேர்தல் நடைமுறைகள் அனைத்தும் ஜூலை இரண்டாவது வாரத்துக்குள் முடிக்க வேண்டியுள்ளது. தற்போது வார்டுகளை மறுவரையறை செய்யும் பணியை மாநிலத் தேர்தல் ஆணையம் போர்க்கால அடிப்படையில் மேற்கொண்டு வருகிறது என்றார் அவர்.
    உத்தரப் பிரதேசம் உள்ளிட்ட 5 மாநிலங்களில் அண்மையில் நடைபெற்ற சட்டப் பேரவைத் தேர்தல் முடிவுகள் வெளிவந்த பிறகு, மின்னணு வாக்குப்பதிவு இயந்திரங்களின் நம்பகத்தன்மை தொடர்பாக காங்கிரஸ் உள்ளிட்ட கட்சிகள் கேள்வி எழுப்பியிருந்தன.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp