சுடச்சுட

    

    சட்ட விரோத பணப் பரிமாற்றம்: மும்பை நிறுவனம் மீது சிபிஐ வழக்கு

    By DIN  |   Published on : 17th April 2017 01:35 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மும்பையைச் சேர்ந்த நிறுவனம் சட்ட விரோதமாக பணப்பரிமாற்றம் செய்தது தொடர்பாக சிபிஐ வழக்குப் பதிவு செய்துள்ளது.

    மும்பையின் கிர்கான் பகுதியைச் சேர்ந்த நிறுவனம் புர்வி டிரேடர்ஸ். இதன் உரிமையாளராக பிரதீப் ராவ் உள்ளார். இந்த நிறுவனம் கடந்த 2015-ஆம் ஆண்டு மார்ச் 3 மற்றும் மார்ச் 26-ஆம் தேதிகளுக்கு இடைப்பட்ட காலத்தில் பேங்க் ஆஃப் பரோடா வங்கி மூலம் ஹாங்காங்கைச் சேர்ந்த குளோபல் ஷைன் நிறுவனத்துக்கு ரூ.11.92 கோடி மதிப்பிலான தொகையை அனுப்பியுள்ளது. மொத்தம் 21 பரிவர்த்தனைகள் மூலம் இந்த பணப்பரிமாற்றம் நடைபெற்றுள்ளது.
    மொத்தத்தில் அந்த நிறுவனம் கடந்த 2015-ஆம் ஆண்டில் ரூ.6,000 கோடியை ஹாங்காங் மற்றும் துபை நாடுகளைச் சேர்ந்த 39 நிறுவனங்களுக்கு பல கட்டங்களாக அனுப்பியுள்ளது.
    இந்த பரிமாற்றம் குறித்து ரிசர்வ் வங்கிக்கு முறையான அறிக்கை அளிக்கப்படவில்லை. எனவே, இதுகுறித்து வங்கி அதிகாரிகள் புர்வி நிறுவனத்தின் உரிமையாளரான பிரதீப் ராவிடம் கேட்டபோது அவர் மழுப்பலாகவே பதிலளித்துள்ளார்.
    இதையடுத்து வங்கி அதிகாரிகள் கொடுத்த தகவலின்பேரில் சிபிஐ, பிரதீப் ராவ் உள்ளிட்டோர் மீது குற்றச் சதி, மோசடி ஆகிய பிரிவுகளின் கீழ் வழக்குப் பதிவு செய்து விசாரணை நடத்தி வருகின்றனர்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai