Enable Javscript for better performance
சபரிமலை அய்யப்பன் கோயிலில் இளம்பெண்கள்: சமூகவலைதளத்தில் வெளியான புகைப்படங்களால் சர்ச்சை- Dinamani

சுடச்சுட

    

    சபரிமலை அய்யப்பன் கோயிலில் இளம்பெண்கள்: சமூகவலைதளத்தில் வெளியான புகைப்படங்களால் சர்ச்சை

    By DIN  |   Published on : 18th April 2017 10:38 AM  |   அ+அ அ-   |    |  

    sabarimalai_women

     

    சபரிமலை அய்யப்பன் கோயிலில் இளம்பெண்கள் வழிபாடு நடத்துவது போன்று சமூகவலைதளத்தில் வெளியான புகைப்படங்களால் சர்ச்சை ஏற்பட்டுள்ளது. இதுகுறித்து விசாரணை நடத்துவதற்கு கேரள அரசு உத்தரவிட்டுள்ளது.

    கேரள மாநிலம், பத்தனம்திட்டா மாவட்டத்தில் அமைந்துள்ள புகழ்பெற்ற சபரிமலை அய்யப்பன் கோயிலில் 10 வயது முதல் 50 வயது வரையிலான பெண்கள் செல்வதற்கு தடை விதிக்கப்பட்டுள்ளது. அக்கோயிலில் இருக்கும் அய்யப்பன், நைஷ்டிக பிரம்மச்சாரி என்பதால், இந்த நடைமுறை தீவிரமாக கடைப்பிடிக்கப்பட்டு வருகிறது.

    இந்நிலையில், சமூகவலைதளத்தில் இளம்பெண்கள் சிலர், சபரிமலை அய்யப்பன் கோயிலில் இருப்பது போன்று புகைப்படங்கள் வெளியாகியுள்ளன. இதனால் பெரும் சர்ச்சை ஏற்பட்டுள்ளது.

    இதையடுத்து, இந்த சம்பவம் குறித்தும், சமூகவலைதளத்தில் வெளியான புகைப்படங்களின் உண்மைத் தன்மை குறித்தும் தேவசம்போர்டு புலனாய்வு அமைப்பின் விசாரணைக்கு கேரள அரசு உத்தரவிட்டுள்ளது. இதுகுறித்து திருவனந்தபுரத்தில் கேரள மாநில தேவசம்போர்டு அமைச்சர் கடகம்பள்ளி சுரேந்திரன் செய்தியாளர்களிடம் கூறியதாவது:

    கொல்லத்தைச் சேர்ந்த தொழிலதிபர் ஒருவருக்கு, சபரிமலை அய்யப்பன் கோயிலில் சிறப்பு சலுகைகள் காட்டப்பட்டதாக எனக்கு புகார்கள் வந்துள்ளன. அந்தப் புகார்களில் தொழிலதிபருடன் சேர்ந்து தடை செய்யப்பட்ட வயதை சேர்ந்த சில பெண்களும் சபரிமலை அய்யப்பன் கோயிலுக்கு வந்ததாக தெரிவிக்கப்பட்டுள்ளது.

    சபரிமலை அய்யப்பன் கோயிலில் பெண்கள் வழிபாடு நடத்துவதற்து எந்த தடையும் கிடையாது. பாரம்பரியமான முறையில் சில குறிப்பிட்ட வயது பெண்களுக்கு மட்டும் கட்டுப்பாடு விதிக்கப்பட்டுள்ளது.

    சபரிமலை அய்யப்பன் கோயிலில் விஐபி தரிசனம் என்ற பெயரில், சலுகைகளை பெற முயற்சிப்பது சட்டவிரோதம் ஆகும். இத்தகைய செயல்களில் ஈடுபடுவோர் மீது கடும் நடவடிக்கை எடுக்கப்படும் என்று கடகம்பள்ளி சுரேந்திரன் கூறினார்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp