Enable Javscript for better performance
ஜீரம் பள்ளத்தாக்கு தாக்குதல்: நக்ஸல்களுக்கு பணம் கொடுத்தது சத்தீஸ்கர் அரசு: காங்கிரஸ்- Dinamani

சுடச்சுட

    

    ஜீரம் பள்ளத்தாக்கு தாக்குதல்: நக்ஸல்களுக்கு பணம் கொடுத்தது சத்தீஸ்கர் அரசு: காங்கிரஸ்

    By DIN  |   Published on : 18th April 2017 12:49 AM  |   அ+அ அ-   |    |  

    காங்கிரஸ் தலைவர்களுக்கு எதிராக ஜீரம் பள்ளத்தாக்குப் பகுதியில் நக்ஸல்கள் தாக்குதல் நடத்தியதற்கு முன்னதாக சத்தீஸ்கர் மாநில பாஜக அரசு அவர்களுக்கு கோடிக்கணக்கில் பணம் கொடுத்தது என்று காங்கிரஸ் கட்சி குற்றம்சாட்டியுள்ளது.
    தீவிரவாதிகளுக்கும், மாநில போலீஸாருக்கும் இடையே ரகசியத் தொடர்பு இருப்பதாகத் தெரிவித்துள்ள அக்கட்சி, இந்த விவகாரம் குறித்து சிபிஐ விசாரணைக்கு உத்தரவிட வேண்டும் என்று வலியுறுத்தியுள்ளது.
    சத்தீஸ்கர் மாநிலம், பஸ்தர் பகுதியில் அமைந்துள்ள ஜீரம் பள்ளத்தாக்கு அருகே கடந்த 2013-ஆம் ஆண்டு காங்கிரஸ் தலைவர்கள் பேரணியாகச் சென்று கொண்டிருந்தனர். அப்போது அவர்கள் மீது நக்ஸல்கள் தாக்குதல் நடத்தினர். இதில் காங்கிரஸ் கட்சியின் முக்கியத் தலைவர்கள் உள்பட 31 பேர் உயிரிழந்தனர்.
    இந்த விவகாரம் தொடர்பாக விசாரணை நடத்த தேசியப் புலனாய்வு அமைப்புக்கு முந்தைய ஐக்கிய முற்போக்குக் கூட்டணி அரசு உத்தரவிட்டிருந்தது. மத்தியில் ஆட்சி மாற்றத்துக்குப் பிறகு விசாரணை நடவடிக்கைகள் அடுத்த கட்டத்துக்கு முன்னெடுக்கப்படவில்லை என்று குற்றம்சாட்டப்படுகிறது. இந்நிலையில், இதுதொடர்பாக மத்தியப் பிரதேச காங்கிரஸ் தலைவர் பூபேஷ் பாகல் செய்தியாளர்களிடம் திங்கள்கிழமை கூறியதாவது: அபய் சிங் என்பவர் சத்தீஸ்கர் மாநில காவல் துறைக்கு உளவுத் தகவல் கொடுத்து வந்தார். போலீஸாருக்கும், நக்ஸல்களுக்கும் இடையே ரகசியத் தொடர்பு இருப்பதை அறிந்த அவர், அதனை அம்பலப்படுத்த முயன்றார். ஆனால், பொய் வழக்குகளைப் பதிந்து அவரை மாநில போலீஸார் சிறையில் அடைத்தனர்.
    ஜீரம் பள்ளத்தாக்கு தாக்குதல் சம்பவம் நடைபெறுவதற்கு முன்னதாக நக்ஸல்களுக்கு கோடிக்கணக்கில் மாநில அரசு பணம் கொடுத்துள்ளது. இதுதொடர்பாக சிபிஐ விசாரணை நடத்த வேண்டும் என்றார் அவர்.
    காங்கிரஸ் கட்சியின் இந்தக் குற்றச்சாட்டை பாஜக திட்டவட்டமாக மறுத்துள்ளது. இதுதொடர்பாக கருத்து தெரிவித்த அக்கட்சியின் மூத்த தலைவர் சிவ்ரத்தன் சர்மா, 'காங்கிரஸின் இந்தக் குற்றச்சாட்டு அடிப்படை ஆதாரமற்றது' என்றார்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp