Enable Javscript for better performance
தேர்தல் பணிகள்: ஐ.நா.வுக்கு இந்தியா ரூ.1.6 கோடி நிதியுதவி- Dinamani

சுடச்சுட

    

    தேர்தல் பணிகள்: ஐ.நா.வுக்கு இந்தியா ரூ.1.6 கோடி நிதியுதவி

    By DIN  |   Published on : 21st April 2017 01:10 AM  |   அ+அ அ-   |    |  

    பதற்றம் நிலவும் நாடுகளில் அமைதியை ஏற்படுத்தும் வகையில் தேர்தல்களை நடத்துவதற்காக, ஐ.நா.வின் தேர்தல் விவகாரப் பிரிவுக்கு இந்தியா 2.5 லட்சம் டாலர்கள் (சுமார் ரூ.1.6 கோடி)நிதியுதவி அளித்துள்ளது.
    ஐ.நா.வுக்கான இந்திய முதன்மைச் செயலர் ஈனாம் கம்பீர், இதற்கான காசோலையை ஐ.நா. தேர்தல் விவகாரப் பிரிவு அதிகாரியிடன் புதன்கிழமை அளித்தார்.
    இதுகுறித்து சுட்டுரை (டுவிட்டர்) வலைதளத்தில் அந்த ஐ.நா. பிரிவு தெரிவித்துள்ளதாவது:
    ஐ.நா.வின் தேர்தல் உதவிகளுக்காக, 2.5 லட்சம் டாலர் நிதியுதவியை இந்தியா தாமாக முன்வந்து அளித்துள்ளது. அந்தத் தொகைக்கான காசோலையை, இந்திய அதிகாரியிடமிருந்து ஐ.நா. தேர்தல் விவகாரப் பிரிவு அதிகாரி கே. ஷியோடானி பெற்றுக்கொண்டார் என்று குறிப்பிடப்பட்டுள்ளது.

     

    kattana sevai