Enable Javscript for better performance
இந்தியாவின் எஸ்.பி.எஸ். வழிக்காட்டி செயலியை உருவாக்க நிறுவனங்களுக்கு இஸ்ரோ அழைப்பு- Dinamani

சுடச்சுட

    

    இந்தியாவின் எஸ்.பி.எஸ். வழிக்காட்டி செயலியை உருவாக்க நிறுவனங்களுக்கு இஸ்ரோ அழைப்பு

    By DIN  |   Published on : 30th April 2017 01:32 AM  |   அ+அ அ-   |    |  

    sps

    இந்தியாவின் பிரத்யேக எஸ்.பி.எஸ்.(Standard Positioning System)   செயலியை உருவாக்குவதற்கு தனியார் நிறுவனங்கள் ஒப்பந்தப்புள்ளி கோரலாம் என இஸ்ரோ அறிவித்துள்ளது.
    ஐ.ஆர்.என்.எஸ்.எஸ். 1 ஏ முதல் ஜி வரையிலான 7 செயற்கைக்கோள்களும் பி.எஸ்.எல்.வி. ராக்கெட் மூலம் தொடர்ந்து விண்ணில் வெற்றிகரமாக அண்மையில் நிலைநிறுத்தப்பட்டுள்ளன. பிரத்யேக வழிகாட்டி செயற்கைக்கோள்களான இவற்றின் வாயிலாக அமெரிக்கா, ரஷியாவுக்கு அடுத்த தன்னிறைவை இந்தியா அடைந்துள்ளது.
    18 மணி நேரம் இயங்கும்: விண்ணுக்கு அனுப்பப்பட்டுள்ள இந்த 7 செயற்கைக்கோள்களும் தற்போது 24 மணி நேரமும் தகவல்களை தரத் தொடங்கியுள்ளன. இதன் தொடர்ச்சியாக இதற்கான செயலியை உருவாக்குவதற்கான பணிகளை இஸ்ரோ தொடங்கியுள்ளது. இதில், முதல்கட்டமாக செல்லிடப்பேசிகளில் பயன்படுத்துவதற்கான செயலியை உருவாக்க வேண்டும். இதனை உருவாக்க விருப்பம் உள்ள நிறுவனங்கள் ஒப்பந்தப்புள்ளி கோரலாம் என அறிவித்துள்ளது.
    மேற்குறிப்பிட்ட செயற்கைக்கோள்கள் 1,500 கி.மீ. சதுர பரப்பளவுக்கு கடல் வழிகளையும், கடல் எல்லைகளையும் துல்லியமாகக் கண்காணித்து தகவல்களை அனுப்பும். மேலும், தரையிலும், வான்வெளியிலும் செல்லும் அனைத்து வாகனங்களையும் இவற்றின் மூலம் கண்காணிக்க முடியும்.
    இதுகுறித்து இஸ்ரோ மூத்த விஞ்ஞானி ஒருவர் கூறியதாவது:
    ஐ.ஆர்.என்.எஸ்.எஸ். திட்டத்தின் 7 செயற்கைக்கோள்களும் முழுமையாகத் தகவல்களை வழங்கத் தொடங்கியுள்ளன. இவற்றின் மூலம் இந்தியா முழுவதும் மட்டுமல்லாது பாகிஸ்தான், இலங்கை நாடுகளின் கடல், நிலப் பரப்புகளையும் கண்காணிக்க முடியும்.
    இந்தச் சேவையை செல்லிடப்பேசியில் பயன்படுத்த மென்பொருளை உருவாக்க வேண்டும்.
    இதற்காக இந்தியா மற்றும் உலகளாவிய செல்லிடப்பேசி தயாரிப்பு நிறுவனங்களின் முக்கிய அதிகாரிகளுடன் ஆலோசனையும் மேற்கொள்ளப்பட்டுள்ளது. நம்நாட்டின் வழிக்காட்டி நேவிக் (NavIC) உருவாக்கப்பட்டுவிட்டால், அமெரிக்காவின் ஜி.பி.எஸ். சேவை நமக்கு தேவைப்படாது.
    மேலும், எஸ்.பி.எஸ். வழிகாட்டியை இந்தியாவின் கூகுள் தேடுதளத்திலும் பயன்படுத்த அந்த நிறுவனத்தின் இந்தியத் தலைமையகத்திலும் கலந்து ஆலோசிக்கப்பட்டுள்ளது என்றார் அவர்.
    இதுவரை அனுப்பபட்ட ஐ.ஆர்.என்.எஸ்.எஸ். செயற்கைக்கோள்கள்!
    2013, ஜூலை 12 ஐ.ஆர்.என்.எஸ்.எஸ்-1ஏ
    2014, ஏப்.4 ஐ.ஆர்.என்.எஸ்.எஸ்-1பி
    2014, அக்.15 ஐ.ஆர்.என்.எஸ்.எஸ்-1சி
    2015, மார்ச் 28 ஐ.ஆர்.என்.எஸ்.எஸ்-1டி
    2016 ஜன.20 ஐ.ஆர்.என்.எஸ்.எஸ்.-1இ
    2016 மார்ச் 19 ஐ.ஆர்.என்.எஸ்.எஸ்.- 1எஃப்
    2016 ஏப்ரல் 28 ஐ.ஆர்.என்.எஸ்.எஸ். 1ஜி

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp