சுடச்சுட

    

    இந்திய ரிசர்வ் போலீஸ் படையின் (சிஆர்பிஎஃப்) தலைமை இயக்குநர் பதவியிலிருந்து துர்கா பிரசாத் செவ்வாய்க்கிழமை ஓய்வு பெற்றார்.
    1981-ஆம் ஆண்டின் தெலங்கானா பிரிவு ஐ.பி.எஸ். அதிகாரியான துர்கா பிரசாத், சிஆர்பிஎஃப் தலைமை இயக்குநராக கடந்த ஆண்டு பிப்ரவரி மாதம் பதவியேற்றார். ஜார்க்கண்ட் உள்ளிட்ட பல்வேறு மாநிலங்களில் மாவோயிஸ்டுகளின் ஆதிக்கத்தை ஒடுக்கியதில் துர்கா பிரசாத்துக்கு பெரும் பங்கு உள்ளதாக சிஆர்பிஎஃப் வட்டாரங்கள் தெரிவிக்கின்றன.
    இதனிடையே, தாம் ஓய்வு பெறுவதற்கு முன்னதாக, அண்மையில் காஷ்மீரில் நடைபெற்ற பயங்கரவாதத் தாக்குதலில் காயமடைந்து தில்லி எய்ம்ஸ் மருத்துவமனையில் சிகிச்சைப் பெற்று வரும் சிஆர்பிஎஃப் 45-வது படைப்பிரிவு கமாண்டர் சேத்தன் சீத்தாவை துர்கா பிரசாத் நேரில் சந்தித்து ஆறுதல் கூறினார்.
    தலைமை இயக்குநர் பதவி காலி: இந்நிலையில், துர்கா பிரசாத் ஓய்வு பெற்றதை அடுத்து, சிஆர்பிஎஃப் அமைப்பின் புதிய தலைமை இயக்குநராக மத்திய அரசு யாரையும் நியமிக்கவில்லை. எனினும், தலைமை இயக்குநர் பதவியை கூடுதலாக கவனிக்குமாறு கூடுதல் தலைமை இயக்குநர் சுதீப் லக்தாக்கியாவை மத்திய அரசு கேட்டுக்கொண்டுள்ளது.

     

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai