Enable Javscript for better performance
மதிய உணவு திட்டத்தில் பயன்பெற மாணவர்களுக்கு "ஆதார்' கட்டாயம்: மத்திய அரசு- Dinamani

சுடச்சுட

    

    மதிய உணவு திட்டத்தில் பயன்பெற மாணவர்களுக்கு "ஆதார்' கட்டாயம்: மத்திய அரசு

    By DIN  |   Published on : 05th March 2017 03:24 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பள்ளிகளில் மதிய உணவுத் திட்டத்தில் பயன்பெறும் மாணவர்களும், சமையலர்களும் ஆதார் எண்ணை கட்டாயம் சமர்ப்பிக்க வேண்டும் என்று மத்திய மனிதவள மேம்பாட்டுத் துறை அமைச்சகம் அறிவுறுத்தியுள்ளது.
    இதுதொடர்பாக அந்த அமைச்சக வட்டாரங்கள் கூறியதாவது:
    பள்ளிக் கல்வி தொடர்புடைய மானியத் திட்டங்களில் ஆதாரை இணைக்க வேண்டும் என்ற மத்திய அரசின் உத்தரவின் அடிப்படையில், மேற்கண்ட நடவடிக்கையை மனிதவள மேம்பாட்டுத் துறை அமைச்சகம் எடுத்துள்ளது. இதன் மூலம், மதிய உணவுத் திட்டத்தை இன்னும் சிறப்பாகவும், வெளிப்படைத் தன்மையுடனும் செயல்படுத்த முடியும்.
    அரசின் சேவைகள், சலுகைகள் மற்றும் மானியங்கள் வழங்குவதில் ஆதாரை இணைப்பதன் மூலம் பயனாளிகள் நேரடியாக பலன்களை பெற முடிகிறது.
    மதிய உணவுத் திட்டத்தில் மாணவர்கள் மட்டுமன்றி சமையலர்களும் ஆதார் எண்ணை பதிவு செய்ய வேண்டும். இதுதொடர்பான அறிவிக்கை அனைத்துப் பள்ளிகளுக்கும் விரைவில் அனுப்பப்படவுள்ளது. இதுவரை ஆதார் அட்டை பெறாத மாணவர்களுக்காக ஜூன் 30-ஆம் தேதி வரை அவகாசம் அளிக்கவும் முடிவு செய்யப்பட்டுள்ளது என்று அந்த வட்டாரங்கள் தெரிவித்தன.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai