சுடச்சுட

    

    பாஜக வெற்றியை பார்த்து எதிர்கட்சிகள் நடுங்கி போய் உள்ளனர்: நரேந்திர மோடி

    By DIN  |   Published on : 12th March 2017 08:43 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    modi

    உத்தரப் பிரதேச மாநிலம், மிர்ஸாபூரில் வெள்ளிக்கிழமை நடைபெற்ற பாஜக தேர்தல் பிரசாரக் கூட்டத்தில் பேசும் பிரதமர் மோடி.

    புது தில்லி: உத்தரப் பிரதேசம், உத்தரகண்ட் ஆகிய மாநிலங்களில் பாஜக அமோக வெற்றியை பார்த்து எதிர்கட்சிகள் நடுங்கி போய் உள்ளனர் என்று பிரதமர் நரேந்திர மோடி கூறினார்.

    உத்தரப் பிரதேசம், உத்தரகண்ட் ஆகிய மாநிலங்களில் பாஜக அமோக வெற்றி பெற்றதையடுத்து தில்லியில் உள்ள பாஜக தலைமை அலுவலகத்தில் நன்றி தெரிவிக்கும் நிகழ்ச்சி நடைபெற்றது.

    நிகழ்ச்சிக்கு முன்பாக அசோகா சாலையில் மோடி பேரணியாக நடந்து வந்து பொதுமக்களின் வரவேற்ப்பை ஏற்று கொண்டார்.

    பின்னர் நடைபெற்ற நிகழ்ச்சியில் மோடி பேசுகையில், பாஜகவின் வெற்றிக்காக, அடிமட்ட அளவில் அயராது பாடுபட்டு, மக்களின் நம்பிக்கையை வென்றெடுத்த கட்சித் தொண்டர்களுக்கு வணங்குகிறேன் பாராட்டுகிறேன். வளர்ச்சியையும், நல்ல நிர்வாகத்தையும் எதிர்பார்த்து, வரலாற்றுச் சிறப்புமிக்க வெற்றியை பாஜகவுக்கு கொடுத்த உத்தரப் பிரதேச மக்களுக்கு நன்றியைத் தெரிவித்துக் கொள்கிறேன்.

    பொதுமக்கள் அனைவருக்கும் எனது ஹோலி வாழ்த்துக்களை தெரிவித்து கொள்கிறேன்.  5 மாநில பேரவைத் தேர்தல்களிலும் வாக்கு சதவீதம் உயர்ந்திருப்பது நல்ல முன்னேற்றத்தை காட்டுகிறது. ஒவ்வொரு தேர்தலிலும் வளர்ச்சி என்பதுதான் முக்கிய பிரச்சனையாக உள்ளது. தேர்தல் முடிவுகள் மக்களிடையே விழிப்புணர்வை  உருவாக்கி உள்ளது. பாஜகவுக்கு மக்கள் அளித்த அமோக வெற்றி அனைவரையும் தேர்தல் குறித்து ஆய்வு நடத்த வைத்துள்ளது. உத்தரப் பிரதேசத்தில் பாஜகவின் அமோக வெற்றியை பார்த்து எதிர்கட்சிகள் நடுங்கி போய் உள்ளனர் என்றார்.

    மேலும், அதிகாரம் என்பது பதவியை பற்றியதல்ல, மக்களுக்கு சேவை செய்ய வாய்ப்பு. தேர்தலில் வெற்றி பெற்றதற்கு பல்வேறு காரணங்கள் உள்ளன. ஏழைகள் வாய்ப்புகளை மட்டுமே விரும்புகிறார்கள் சலுகைகளை அல்ல.  

    5 மாநில பேரவைத் தேர்தலின் முடிவுகளுக்குப் பிறகு ஒரு விடியல் ஏற்பட்டுள்ளதை நான் காண்கிறேன். புதிய இந்தியா உருவாகி வருகிறது. இந்திய மக்களை வீழ விட மாட்டேன். ஏழைகளுக்கான வளர்ச்சியே நாட்டின் வளர்ச்சி என கூறினார்.

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai