சுடச்சுட

    

    மார்ச் 31 வரை பழைய ரூபாய் நோட்டுகளை மாற்ற அவகாசம் தராதது ஏன்? உச்ச நீதிமன்றம் காட்டம்

    By DIN  |   Published on : 21st March 2017 01:04 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    rupees


    புது தில்லி: மார்ச் 31ம் தேதி வரை பழைய 500 மற்றும் 1000 ரூபாய் நோட்டுகளை மாற்ற அவகாசம் தராதது ஏன்? என்று மத்திய அரசுக்கும் ரிசர்வ் வங்கிக்கும் உச்ச நீதிமன்றம் கேள்வி எழுப்பியுள்ளது.

    பழைய ரூபாய் நோட்டுகள் செல்லாது என்று அறிவிக்கப்பட்டது தொடர்பான வழக்கை விசாரித்த உச்ச நீதிமன்ற நீதிபதிகள், மார்ச் 31ம் தேதி வரை பழைய 500 மற்றும் 1000 ரூபாய் நோட்டுகளை மாற்ற அவகாசம் தராதது ஏன்? ரூபாய் நோட்டுகளை மாற்ற டிசம்பர் 30ம் தேதி வரை அவகாசத்தைக் குறைத்தது ஏன்? என்று 2 வாரத்துக்குள் விளக்கம் அளிக்குமாறு மத்திய அரசுக்கும் ரிசர்வ் வங்கிக்கும் உச்ச நீதிமன்றம் உத்தரவிட்டுள்ளது.

    இது தொடர்பாக ஏப்ரல் 11ம் தேதிக்குள் பிரமாணப் பத்திரம் தாக்கல் செய்ய மத்திய அரசுக்கு உச்ச நீதிமன்றம் தனது உத்தரவில் குறிப்பிட்டுள்ளது.

    மார்ச் 31ம் தேதி வரை வெளிநாடு வாழ் இந்தியர்களுக்கு மட்டும் அவகாசம் அளித்தது ஏன்? டிசம்பர் 30ம் தேதிக்குப் பிறகு பழைய ரூபாய் நோட்டுகளை மாற்றாதவர்களுக்கு, மாற்ற வசதி செய்து கொடுக்காதது ஏன்? மார்ச் 31ம் தேதி வரை இந்திய குடிமக்களுக்கு ஏன் ரூபாய் நோட்டுகளை மாற்ற வாய்ப்பு தரவில்லை என்றும் அடுக்கடுக்கான கேள்விகளை உச்ச நீதிமன்றம் எழுப்பியுள்ளது.

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai