2018ம் ஆண்டின் வருவாய் - செலவினக் கணக்கை பாஜக தேர்தல் ஆணையத்தில் தாக்கல் செய்துள்ளது. காங்கிரஸ் கட்சி இன்னமும் கணக்கு அறிக்கையை தயாரித்து வருகிறது. விரைவில் விவரங்கள் தெரிய வரும்.
சரி முதலில் கணக்கை தாக்கல் செய்த பாஜகவுக்கு வருவோம். அதாவது, பாஜகவின் 2018ம் ஆண்டின் மொத்த வருவாய் ரூ.1,027.34 கோடி. அக்கட்சி இதே ஆண்டில் செய்திருக்கும் மொத்த செலவு ரூ.758.47 கோடியாகும்.
அதே சமயம், கடந்த ஆண்டைக் காட்டிலும் இந்த ஆண்டு பாஜகவின் ஆண்டு வருவாய் ரூ.7 கோடி அளவுக்குக் குறைந்திருப்பதாகவும் கூறப்படுகிறது. அதாவது கடந்த ஆண்டின் வருவாய் ரூ.1,034.27 கோடியாக இருந்த நிலையில் தற்போது அது ரூ.1,027.34 ஆக உள்ளது.