நடிகர் ஆமிர்கான் நடித்துள்ள படத்துக்கான விளம்பர நிகழ்ச்சிக்கு சீனப் பல்கலைக்கழகம் ஒன்று அனுமதி மறுத்த நிலையில், அந்த நிகழ்ச்சி விடுதி ஒன்றில் நடத்தப்பட்டது.
பெய்ஜிங்கிலுள்ள குயின்டாங் பல்கலைக்கழகத்தில் திங்கள்கிழமை நடைபெற இருந்த தக்ஸ் ஆஃப் ஹிந்துஸ்தான் படத்துக்கான விளம்பர நிகழ்ச்சியில் ஆமிர்கான் பங்கேற்று சீன ரசிகர்களுடன் கலந்துரையாடுவதாக இருந்தது.
இந்நிலையில், தங்களிடம் நிகழ்ச்சி நடத்துவதற்கான முன் அனுமதி பெறவில்லை என்று கூறி, ஆமிர்கானின் நிகழ்ச்சிக்கு அப்பல்கலைக்கழகம் அனுமதி அளிக்க மறுத்தது. இதையடுத்து, விடுதி ஒன்றில் அந்நிகழ்ச்சி நடைபெற்றது.
ஆமிர்கானின் தங்கல், சீக்ரெட் சூப்பர் ஸ்டார் ஆகிய படங்களுக்கு சீனாவில் பெரும் ரசிகர் பட்டாளம் இருப்பது குறிப்பிடத்தக்கது.