Enable Javscript for better performance
இலங்கை, நேபாளத்தில் மின் உற்பத்தி திட்டங்களுக்கு ரூ.194 கோடி நிதியுதவி: சார்க் நிதியம் ஒப்புதல்- Dinamani

சுடச்சுட

    

    இலங்கை, நேபாளத்தில் மின் உற்பத்தி திட்டங்களுக்கு ரூ.194 கோடி நிதியுதவி: சார்க் நிதியம் ஒப்புதல்

    By  புது தில்லி,  |   Published on : 24th March 2018 01:44 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    இலங்கை, நேபாளத்தில் இரு மின் உற்பத்தி திட்டங்களுக்கு ரூ.194 கோடி நிதியுதவி வழங்குவதற்கு சார்க் வளர்ச்சி நிதியம் கொள்கை அளவில் ஒப்புதல் அளித்துள்ளது.
     இதுதொடர்பாக, அந்த நிதியத்தின் தலைமை செயல் அதிகாரி சுனில் மோதிவால் கூறியதாவது:
     நேபாளத்தில் நீர் மின்உற்பத்தி திட்டத்துக்கும், இலங்கையில் கழிவுகளில் இருந்து மின்சாரம் உற்பத்தி செய்யும் திட்டத்துக்கும் தலா ரூ.97 கோடி நிதியுதவி வழங்குவதற்கு சார்க் வளர்ச்சி நிதியம் கொள்கை அளவில் ஒப்புதல் வழங்கியுள்ளது.
     நேபாளத்தில் செயல்படுத்தப்படும் நீர் மின்உற்பத்தி திட்டத்தின் மூலம் நேபாளம், வங்கதேசம், இந்தியா ஆகிய நாடுகள் பயன்பெறும்.
     சார்க் பிராந்தியத்தில் வளர்ச்சியையும் வளமையையும் ஊக்குவிப்பது என்ற சார்க் நிதியத்தின் நோக்கத்தை எட்டுவதற்கு, மேற்கண்ட திட்டங்கள் உறுதுணையாக இருக்கும்.
     இதேபோல், சார்க் வளர்ச்சி நிதியத்தின் உள்கட்டமைப்பு மற்றும் பொருளாதார பிரிவின்கீழ் புதுப்பிக்கத்தக்க எரிசக்தி உற்பத்தி, போக்குவரத்து, தொலைதொடர்பு, தகவல் தொழில்நுட்பம் சார்ந்த பல்வேறு திட்டங்களை செயல்படுத்தவும் பரிசீலிக்கப்பட்டு வருகிறது.
     இந்தியா, ஆப்கானிஸ்தான், வங்கதேசம், பூட்டான், மாலத்தீவு, நேபாளம், பாகிஸ்தான், இலங்கை ஆகிய சார்க் நாடுகள் சார்பில் கடந்த 2010-இல் சார்க் வளர்ச்சி நிதியம் ஏற்படுத்தப்பட்டது குறிப்பிடத்தக்கது.
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai