Enable Javscript for better performance
மிகை வரியைத் திரும்பப் பெறுவது தொடர்பான வழக்கு: குஜராத் அரசு, மத்திய அரசுக்கு நீதிமன்றம் நோட்டீஸ்- Dinamani

சுடச்சுட

    

    மிகை வரியைத் திரும்பப் பெறுவது தொடர்பான வழக்கு: குஜராத் அரசு, மத்திய அரசுக்கு நீதிமன்றம் நோட்டீஸ்

    By  ஆமதாபாத்,  |   Published on : 24th March 2018 01:42 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    குஜராத் மாநிலத்தில் மிகை வரியை (இன்புட் டேக்ஸ் கிரெடிட்) வர்த்தக நிறுவனங்கள் திரும்பப் பெற கட்டுப்பாடு விதிக்கப்பட்டதை எதிர்த்து தொடுக்கப்பட்ட வழக்கில், மத்திய, மாநில அரசுகள் பதிலளிக்குமாறு குஜராத் உயர் நீதிமன்றம் நோட்டீஸ் அனுப்பியுள்ளது.
     நாடு முழுவதும் கடந்த ஜூலை மாதம் 1-ஆம் தேதி, சரக்கு-சேவை வரி அமல்படுத்தப்பட்டது. அதன்பிறகு, குஜராத் மாநிலத்தில் சில நிறுவனங்கள் மிகை வரியைத் திரும்பப் பெறுவதற்கு குஜராத் ஜிஎஸ்டி சட்டத்தின் கீழ் சில கட்டுப்பாடுகள் விதிக்கப்பட்டன.
     இதை எதிர்த்து, குஜராத் உயர் நீதிமன்றத்தில் ஆமதாபாத் நகரைச் சேர்ந்த "வில்லோவுட் கெமிக்கல்ஸ்' என்ற நிறுவனம் மனு தாக்கல் செய்தது. அந்த மனுவில், கூறப்பட்டுள்ளதாவது: எங்கள் நிறுவனம், முந்தைய மதிப்பு கூட்டு வரிச் சட்டத்தின்படி, ஏற்கெனவே கூடுதலாக வரியைச் செலுத்தி விட்டது. இதனிடையே, சரக்கு-சேவை வரிச் சட்டம் அமலுக்கு வந்த பிறகு, எங்கள் நிறுவனத்தால் மிகை வரியைத் திரும்பப் பெற முடியவில்லை.
     உரிய நேரத்தில் படிவங்களைச் செலுத்தவில்லை என்ற காரணத்துக்காக, கூடுதலாகச் செலுத்தப்பட்ட மிகை வரித் தொகை எங்களுக்கு மறுக்கப்படுகிறது. மதிப்பு கூட்டு வரிச் சட்டம், சரக்கு-சேவை வரிச் சட்டம் என்று எந்தச் சட்டமாக இருந்தாலும், ஒரு நிறுவனம் மிகை வரியைத் திரும்பப் பெறுவதைத் தடுக்க முடியாது. உரிய நேரத்தில் படிவங்களை செலுத்தாததற்கு அபராதம், வட்டி ஆகியவற்றைச் செலுத்துவதற்கு எங்கள் நிறுவனம் தயாராக உள்ளது என்று அந்த மனுவில் தெரிவிக்கப்பட்டுள்ளது.
     இந்த மனு, குஜராத் உயர் நீதிமன்றத்தில் நீதிபதிகள் அகில் குரேஷி, பி.என்.கரீயா ஆகியோரைக் கொண்ட அமர்வு முன்னிலையில், வெள்ளிக்கிழமை விசாரணைக்கு வந்தது. மனுவை விசாரித்த நீதிபதிகள், இதுதொடர்பாக, மத்திய, மாநில அரசுகளும், ஜிஎஸ்டி கவுன்சிலும் பதிலளிக்க வேண்டும் என்று உத்தரவிட்டனர். அதையடுத்து, வழக்கின் அடுத்த விசாரணை, ஏப்ரல் 19-ஆம் தேதிக்கு ஒத்திவைக்கப்ப்டடது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai