Enable Javscript for better performance
சமாஜவாதி-பகுஜன் சமாஜ் கூட்டணியால் பாஜகவின் வெற்றி விகிதம் பாதிக்கப்படக்கூடும்: மத்திய அமைச்சர் அதாவல- Dinamani

சுடச்சுட

    

    சமாஜவாதி-பகுஜன் சமாஜ் கூட்டணியால் பாஜகவின் வெற்றி விகிதம் பாதிக்கப்படக்கூடும்: மத்திய அமைச்சர் அதாவலே

    By DIN  |   Published on : 31st March 2018 01:20 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சமாஜவாதி-பகுஜன் சமாஜ் கூட்டணியால், 2019ஆம் ஆண்டு மக்களவைத் தேர்தலில் பாஜகவின் வெற்றி விகிதம் பாதிக்கப்படக்கூடும் என்று மத்திய சமூக நீதி மற்றும் அதிகாரமளித்தல் துறை இணை அமைச்சர் ராம்தாஸ் அதாவலே தெரிவித்துள்ளார்.
    உத்தரப் பிரதேச மாநிலத்தில் மொத்தம் 80 மக்களவைத் தொகுதிகள் உள்ளன. இதில் கடந்த 2014ஆம் ஆண்டு மக்களவைத் தேர்தலில் பாஜக கூட்டணி 73 தொகுதிகளில் வெற்றி பெற்றன.
    காங்கிரஸ் கட்சி அமேதி, ரேபரேலி ஆகிய 2 தொகுதிகளிலும், சமாஜவாதி 5 தொகுதிகளிலும் வெற்றி பெற்றன. 
    அண்மையில் இரு மக்களவைத் தொகுதிகளுக்கு நடைபெற்ற இடைத் தேர்தலில் பகுஜன் சமாஜ் கட்சியின் ஆதரவுடன் சமாஜவாதி வெற்றி பெற்றது. இதனால், மக்களவையில் சமாஜவாதி கட்சியின் பலம் 7ஆக உயர்ந்துள்ளது.
    இந்நிலையில், லக்னௌவில் மத்திய அமைச்சரும் ஆர்பிஐ (ஏ) கட்சித் தலைவருமான ராம்தாஸ் அதாவலே செய்தியாளர்களிடம் பேசியபோது, 2019ஆம் ஆண்டு மக்களவைத் தேர்தலில் பாஜக கூட்டணி வெற்றி விகிதத்தில் சமாஜவாதி-பகுஜன் சமாஜ் கூட்டணி பாதிப்பை ஏற்படுத்தக்கூடும் என்றார். இதுகுறித்து அவர் மேலும் கூறியதாவது:
    25 முதல் 30 மக்களவைத் தொகுதிகளில் வென்று, பாஜக மற்றும் கூட்டணி கட்சிகளுக்கு சமாஜவாதி-பகுஜன் சமாஜ் கூட்டணி பாதிப்பை ஏற்படுத்தக்கூடும். ஆனால், பாஜக 50 தொகுதிகளுக்கும் மேல் வெற்றி பெறும். ஆனால், இந்த முடிவு, மத்தியில் பாஜக தலைமையிலான தேசிய ஜனநாயகக் கூட்டணி மீண்டும் ஆட்சியமைப்பதில் பாதிப்பை ஏற்படுத்தாது.
    பிரதமர் நரேந்திர மோடிக்கு யாரும் சவால் கிடையாது. காங்கிரஸ் தலைவர் ராகுல் காந்தி, சமாஜவாதி தலைவர் அகிலேஷ் யாதவ், பகுஜன் சமாஜ் தலைவர் மாயாவதி உள்ளிட்ட யாரும் பிரதமர் மோடிக்கு ஈடு கிடையாது.
    மக்களவை இடைத் தேர்தலில் பகுஜன் சமாஜ் ஆதரவுடன் சமாஜவாதி வெற்றி பெற்றது. 
    ஆனால், அதேவேளையில் மாநிலங்களவைத் தேர்தலில் பகுஜன் சமாஜ் கட்சிக்கு சமாஜவாதி நம்பிக்கை துரோகம் செய்து விட்டது. இதனால்தான் மாநிலங்களைவத் தேர்தலில் பகுஜன் சமாஜ் வேட்பாளர் தோல்வியைச் சந்தித்தார்.
    நாட்டில் தலித்துகளுக்கு எதிரான அடக்குமுறைகள் தொடர்கின்றன. ஆனால், இதற்கு மத்தியில் ஆளும் பாஜக கூட்டணி அரசு பொறுப்பாகாது. தலித்துகளுக்கு பாதுகாப்பு அளிக்கும் வகையில் சட்டம் மேலும் வலுப்படுத்தப்பட வேண்டும் என்றார் அதாவலே.
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai