மக்களவைத் தேர்தலுக்காக உத்தரப் பிரதேச மாநிலத்தில், உள்ளூர் கட்சியான மஹான் தளம் கட்சியுடன் காங்கிரஸ் கூட்டணி அமைத்துள்ளது.
இதற்கான அறிவிப்பு, மாநில காங்கிரஸ் அலுவலகத்தில் கிழக்கு உத்தரப் பிரதேசத்துக்கான காங்கிரஸ் பொதுச் செயலர் பிரியங்கா காந்தி முன்னிலையில் வெளியிடப்பட்டது. அந்த அறிவிப்பை, மேற்கு உத்தரப் பிரதேசத்துக்கான காங்கிரஸ் பொதுச் செயலர் ஜோதிராதித்ய சிந்தியா, மஹான் தளம் கட்சித் தலைவரான கேசவ் தேவ் மெளரியா ஆகியோர் கூட்டாக வெளியிட்டனர்.
அப்போது பிரியங்கா காந்தி பேசுகையில், காங்கிரஸ் கூட்டணிக்கு கேசவ் தேவ் மெளரியாவை வரவேற்கிறோம். சமூகத்தின் அனைத்து தரப்பினரையும் ஒருங்கிணைக்கும் அரசியல் சூழலை உருவாக்கக் கூடிய பணியை கட்சித் தலைவர் ராகுல் காந்தி நமக்கு அளித்துள்ளார். அதை நோக்கி, வரும் மக்களவைத் தேர்தலை நாம் முழு வலிமையுடன் எதிர்கொள்வோம் என்றார்.
மஹான் தளம் தலைவர் கேசவ் தேவ் மெளரியா கூறுகையில், தலித் மற்றும் பிற்படுத்தப்பட்ட வகுப்பினரின் நலன்கள் குறித்து காங்கிரஸ் எப்போதும் சிந்திக்கிறது. தற்போது உத்தரப் பிரதேசத்தில் பாஜக தலைமையிலான ஆட்சியில் அராஜகம் நிகழ்கிறது. காங்கிரஸ்-மஹான் தளம் கூட்டணி எப்போதும் நிலைக்கும் என்றார்.
மஹான் தளம் கட்சி, கடந்த 2009 மற்றும் 2014-ஆம் ஆண்டு மக்களவைத் தேர்தல்களிலும் காங்கிரஸுடன் கூட்டணி அமைத்திருந்தது. எனினும், 2017-இல் உத்தரப் பிரதேச சட்டப்பேரவைத் தேர்தலில் அக்கட்சி தனித்து போட்டியிட்டது. அக்கட்சி போட்டியிட்ட பதாயுன், நாகினா, எட்டா ஆகிய 3 தொகுதிகளிலும் தோல்வியைத் தழுவியது.
மஹான் தளம் கட்சி மேற்கு உத்தரப் பிரதேசத்தில் இதர பிற்படுத்தப்பட்ட வகுப்பினரின் வாக்குகளைக் கொண்டுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

ஸ்வீடனில் பிரதமர் மோடிக்கு உற்சாக வரவேற்பு - புகைப்படங்கள்

கேரளத்திலும் கால் பதிக்கும் தவெக! திருச்சூரில் மாவட்ட அளவிலான முதல் கூட்டம்!

ஃபகத் பாசில் புதிய படம் பூஜையுடன் துவங்கியது - புகைப்படங்கள்

கேரள காங்கிரஸ் கூட்டணி ஆட்சி அமைச்சர்கள் பட்டியல்! வி.டி. சதீசன் அறிவிப்பு
விடியோக்கள்

வெளியானது 'தி ரேஜ்' லிரிக் பாடல்!
இணையதளச் செய்திப் பிரிவு

வெளியானது பிளாஸ்ட் டிரைலர்!
இணையதளச் செய்திப் பிரிவு
தவெக அரசுக்கு 6 மாதங்கள் அவகாசம் கொடுங்கள்: கமல்ஹாசன் | CM Vijay | Kamal Haasan |
தினமணி செய்திச் சேவை

#ipl2026 | சிஎஸ்கே பிளே ஆஃப் செல்ல என்னென்ன வாய்ப்புகள் உள்ளன? | Chennai Super Kings | CSK vs SRH |
தினமணி செய்திச் சேவை
