Enable Javscript for better performance
பாஜகவுக்கு வாக்களிக்காதோருக்கும் பணியாற்ற வேண்டும்: எம்.பி.க்களுக்கு பிரதமர் மோடி அறிவுரை- Dinamani

சுடச்சுட

    

    பாஜகவுக்கு வாக்களிக்காதோருக்கும் பணியாற்ற வேண்டும்: எம்.பி.க்களுக்கு பிரதமர் மோடி அறிவுரை

    By DIN  |   Published on : 05th August 2019 01:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Narendra_Modi_PTI12

    பாஜக எம்.பி.க்கள் நமது கட்சிக்கு வாக்களிக்காதவர்களுக்கும் பணியாற்ற வேண்டுமென்று பிரதமர் நரேந்திர மோடி அறிவுரை கூறியுள்ளார். மத்திய அரசின் பல்வேறு திட்டங்களையும், அவற்றின் பயன்களையும் மக்களிடம் உரிய முறையில் எடுத்துச் செல்ல வேண்டுமென்றும் அவர் வலியுறுத்தினார்.
     பாஜகவின் மக்களவை, மாநிலங்களவை எம்.பி.க்கள் 380 பேருக்கான இரு நாள் பயற்சி முகாம், தில்லியில் ஞாயிற்றுக்கிழமை நிறைவடைந்தது. இதில் நிறைவுரையாற்றி மோடி பேசியதாவது: நமது கட்சி எம்.பி.க்கள் அனைவரும் தொகுதி மேம்பாட்டுக்காக முழுமூச்சுடன் பணியாற்ற வேண்டும். தொகுதி மக்களிடம் நீங்கள் நெருங்கிய தொடர்பில் இருக்க வேண்டும்.
     மக்களிடம் நீங்கள் பேசுவதைவிட, நீங்கள் தொகுதிக்கு ஆற்றிய பணிகள் அதிகம் பேசப்பட வேண்டும். அடுத்து வரும் மக்களவைத் தேர்தலின்போது இப்போது பெற்றதைவிட கூடுதல் வாக்குகளை பெறும் அளவுக்கு நீங்கள் பணியாற்ற வேண்டும்.
     மக்களின் பணியில் மிகவும் நேர்மறையான எண்ணத்துடன் செயல்பட வேண்டும். வெற்றி பெற்ற பிறகு, நமக்கு வாக்களித்தவர், வாக்களிக்காதவர் என்ற பாகுபாடு இல்லாமல், அனைத்து மக்களின் ஒட்டுமொத்த நலனையும் கருத்தில் கொண்டு செயல்பட வேண்டும். இதன் மூலம் நமது கட்சிக்கு வாக்களிக்காதவர்களின் மனதையும் நாம் வெல்ல முடியும். உங்கள் பணிகள் மூலம் மக்கள் மத்தியில் செல்வாக்கை அதிகரித்துக் கொள்ள வேண்டும் என்றார் அவர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai