Enable Javscript for better performance
அயோத்தி வழக்கு: திங்கள்கிழமை விசாரணை திடீர் ஒத்திவைப்பு- Dinamani

சுடச்சுட

    

    அயோத்தி வழக்கு: திங்கள்கிழமை விசாரணை திடீர் ஒத்திவைப்பு

    By DIN  |   Published on : 20th August 2019 05:02 AM  |   அ+அ அ-   |    |  

    supremecourt


    அயோத்தி வழக்கு தொடர்பான விசாரணை உச்சநீதிமன்றத்தில் திங்கள்கிழமை நடைபெறவில்லை. தலைமை நீதிபதி ரஞ்சன் கோகோய் அவசர பணியின் காரணமாக சென்றுவிட்டதால் வழக்கு விசாரணை திடீரென ஒத்திவைக்கப்பட்டது. அடுத்த விசாரணை செவ்வாய்க்கிழமைக்கு பட்டியலிடப்பட்டதாக உச்சநீதிமன்ற வட்டாரங்கள் தெரிவித்தன. 

    இதுதொடர்பாக அந்த வட்டாரங்கள் மேலும் கூறியதாவது:  அயோத்தி வழக்கு விசாரணை உச்சநீதிமன்றத்தில் தினசரி நடைபெற்று வருகிறது. இந்த வழக்கை 5 நீதிபதிகள் கொண்ட அரசியல் சாசன அமர்வு விசாரித்து வருகிறது. 
    தொடர்ந்து 8-ஆவது நாளாக திங்கள்கிழமை வழக்கு விசாரணை நடைபெற இருந்த நிலையில், தலைமை நீதிபதி ரஞ்சன் கோகோய் அவசரப் பணி காரணமாக சென்றுவிட்டார். அதனால் வழக்கு விசாரணை அன்றைய தினம் நடைபெறவில்லை. இதையடுத்து வழக்கு விசாரணை செவ்வாய்க்கிழமைக்கு (ஆக. 20) பட்டியலிடப்பட்டது. 
    முன்னதாக விசாரணை அமர்வைச் சேர்ந்த 5 நீதிபதிகளும் நீதிமன்றத்தில் இருந்தனர். எனினும், நீதிபதி எஸ்.ஏ. போப்டே நீதிமன்றத்துக்கு வரவில்லை என்று தவறான தகவல் தெரிவிக்கப்பட்டது. ஆனால், போப்டே அவரது அறையில் இருந்தது உறுதி செய்யப்பட்டது என்று அந்த வட்டாரங்கள் கூறின. 
    அயோத்தி வழக்கு தொடர்பாக உச்சநீதிமன்ற தலைமை நீதிபதி ரஞ்சன் கோகோய், நீதிபதிகள் எஸ்.ஏ. போப்டே, டி.ஒய். சந்திரசூட், அசோக் பூஷண், எஸ்.ஏ. நஸீர் ஆகியோர் அடங்கிய அரசியல் சாசன அமர்வு அன்றாடம் விசாரித்து வருவது குறிப்பிடத்தக்கது. 
    அயோத்தி ராமர் கோயில் மூலவர் தரப்பு வாதம் திங்கள்கிழமை நடைபெறுவதாக இருந்தது குறிப்பிடத்தக்கது.
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp