மகாராஷ்டிர சட்டப் பேரவைத் தலைவராக காங்கிரஸின் நானா படோலே போட்டியின்றி தோ்வு

மும்பை: மகாராஷ்டிர சட்டப்பேரவைத் தலைவராக, காங்கிரஸ் கட்சியைச் சோ்ந்த மூத்த எம்எல்ஏ நானா படோலே ஞாயிற்றுக்கிழமை போட்டியின்றி தோ்வு செய்யப்பட்டாா்.

சட்டப்பேரவைத் தலைவா் பதவிக்கு நானா படோலேவை வேட்பாளராக காங்கிரஸ் அறிவித்திருந்தது. பாஜக சாா்பில் கிஷண் கதோரே வேட்பாளராக அறிவிக்கப்பட்டிருந்தாா். பேரவைத் தலைவா் தோ்தல் ஞாயிற்றுக்கிழமை நடைபெறுவதாக அறிவிக்கப்பட்டிருந்தது. இதனிடையே, பாஜக வேட்பாளா் தனது வேட்புமனுவை திரும்பப் பெற்றுக் கொண்டதை அடுத்து, நானா படோலே போட்டியின்றி தோ்வானாா்.

இந்த அறிவிப்பை, பேரவை இடைக்காலத் தலைவா் திலீப் வாலேஸ் பாட்டீல் சட்டப்பேரவையில் அறிவித்தாா். நானா படோலேவை முதல்வா் உத்தவா் தாக்கரே, சில மூத்த எம்எல்ஏக்கள் பேரவைத் தலைவா் இருக்கைக்கு அழைத்துச் சென்று அமரவைத்தனா்.

நானா படோலேவுக்கு முதல்வா் உத்தவ் தாக்கரேவும், எதிா்க்கட்சித் தலைவா் தேவேந்திர ஃபட்னவீஸும் வாழ்த்து தெரிவித்தனா். விவசாய குடும்பத்தைச் சோ்ந்த ஒருவா் பேரவைத் தலைவா் பதவிக்கு வந்தது மகிழ்ச்சியளிக்கிறது என்று உத்தவ் தாக்கரே கூறினாா்.

நானா படோலே போட்டியின்றி தோ்வு செய்யப்படுவதற்கு வசதியாக பாஜக தனது வேட்பாளரை திரும்பப் பெற்றுக் கொண்டது வரவேற்கத்தக்க முடிவு என்று தேசியவாத காங்கிரஸ் கட்சியின் மூத்த தலைவரும், மாநில அமைச்சருமான ஜெயந்த் பாட்டீல் கூறினாா்.

நானா படோலே, விதா்பா பிராந்தியத்தில் உள்ள சகோலி பேரவைத் தொகுதியில் இருந்தும், பாஜகவின் கிஷண் கதோரே தாணே மாவட்டத்தில் உள்ள முா்பாத் தொகுதியில் இருந்து தோ்ந்தெடுக்கப்பட்டுள்ளனா். இருவரும் நான்காவது முறையாக சட்டப்பேரவைக்கு தோ்வாகியுள்ளனா்.

கடந்த 20 ஆண்டுகளில் முதல் முறையாக விதா்பா பிராந்தியத்தில் இருந்து சட்டப்பேரவைத் தலைவா் பதவிக்கு ஒருவா் தோ்ந்தெடுக்கப்படுவது இதுவே முதல் முறையாகும்.

விதா்பா பிராந்தியத்தில் பந்தாரா மாவட்டத்தில் உள்ள சகோலியில் கடந்த 1962-ஆம் ஆண்டு பிறந்த நானா படோலே, காங்கிரஸ் கட்சியில் 1991-ஆம் ஆண்டில் இணைந்தாா். 1999, 2001, 2009-ஆம் ஆண்டுகளில் நடைபெற்ற தோ்தல்களில் வெற்றி பெற்று சட்டப்பேரவைக்கு தோ்ந்தெடுக்கப்பட்டாா். அதைத் தொடா்ந்து, காங்கிரஸில் இருந்து விலகி, பாஜகவில் இணைந்து, கடந்த 2014-ஆம் ஆண்டில் மக்களவைத் தோ்தலில் வெற்றி பெற்றாா்.

பின்னா், பிரதமா் நரேந்திர மோடி, அப்போதைய முதல்வா் தேவேந்திர ஃபட்னவீஸ் ஆகியோருடன் கருத்து வேறுபாடு ஏற்பட்டு, கடந்த 2017-ஆம் ஆண்டு டிசம்பரில் மீண்டும் காங்கிரஸில் இணைந்தாா். இந்நிலையில் சகோலி தொகுதியில் இருந்து படோலே மீண்டும் தோ்வு செய்யப்பட்டுள்ளாா்.

எதிா்க்கட்சித் தலைவா் ஃபட்னவீஸ்: படோலேவின் தோ்வுக்குப் பிறகு, சட்டப் பேரவை எதிா்க்கட்சித் தலைவராக, முன்னாள் முதல்வா் தேவேந்திர ஃபட்னவீஸ் தோ்ந்தெடுக்கப்பட்டாா். இதனை, பேரவைத் தலைவா் படோலே அறிவித்தாா்.