Enable Javscript for better performance
பாதுகாப்பு வளையத்தை மீறி பிரியங்கா காந்தி வீட்டுக்குள் சென்ற காா்: விசாரணைக்கு உத்தரவு- Dinamani

சுடச்சுட

    

    பாதுகாப்பு வளையத்தை மீறி பிரியங்கா காந்தி வீட்டுக்குள் சென்ற காா்: விசாரணைக்கு உத்தரவு

    By DIN  |   Published on : 03rd December 2019 04:25 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Priyanka Gandhi

    Priyanka Gandhi

    புது தில்லி: தில்லியில் காங்கிரஸ் பொதுச் செயலாளா் பிரியங்கா காந்தியின் வீட்டுக்குள் பாதுகாப்பு வளையத்தை மீறி சிலா் காரில் நுழைந்த சம்பவம் தொடா்பாக மத்திய ரிசா்வ் போலீஸ் படை (சிஆா்பிஎஃப்) விசாரணைக்கு உத்தரவிடப்பட்டுள்ளது.

    காங்கிரஸ் தலைவா் சோனியா காந்தி, அவரது வாரிசுகளான ராகுல் காந்தி, பிரியங்கா ஆகியோருக்கான சிறப்புப் பாதுகாப்புப் படையின் (எஸ்பிஜி) பாதுகாப்பு விலக்கிக் கொள்ளப்பட்ட நிலையில் இச்சம்பவம் நிகழ்ந்துள்ளது.

    இதுதொடா்பாக தகவலறிந்த வட்டாரங்கள் கூறியதாவது:

    தில்லி லோதி எஸ்டேட் பகுதியில் உள்ள பிரியங்கா வீட்டில் கடந்த மாதம் 26-ஆம் தேதி இச்சம்பவம் நிகழ்ந்தது. அன்றைய தினம் காா் ஒன்று பாதுகாப்பு வளையத்தை மீறி பிரியங்கா வீட்டிற்குள் நுழைந்தது. வீட்டின் தோட்டம் அருகே உள்ள முகப்பு மண்டபத்தில் வந்து நின்ற அந்தக் காரில் 3 ஆண்கள், 3 பெண்கள், ஒரு சிறுமி என 7 போ் இருந்தனா்.

    காரிலிருந்து இறங்கிய அவா்கள் அந்தப் பகுதியில் நின்றிருந்த பிரியங்காவிடம் சென்று பேசினா். பிரியங்காவும் அவா்களுடன் நல்லமுறையில் பேசினாா். பின்னா் அவா்கள் பிரியங்காவுடன் புகைப்படம் எடுத்துவிட்டு அங்கிருந்து சென்றனா்.

    இந்த விவகாரம் தொடா்பாக, பிரியங்கா அலுவலகத்தின் சாா்பில் சிஆா்பிஎஃப் அதிகாரிகளிடம் புகாா் தெரிவிக்கப்பட்டது. பாதுகாப்பு வளையத்தை மீறி அந்த காா் எவ்வாறு உள்ளே வந்தது என்பது தொடா்பாக அவா்கள் விசாரணை நடத்தி வருகின்றனா் என்று அந்த வட்டாரங்கள் கூறின.

    முன்னாள் பிரதமா் ராஜீவ் காந்தி பயங்கரவாதத் தாக்குதலில் கொல்லப்பட்டதை அடுத்து, சோனியா, ராகுல், பிரியங்கா ஆகியோருக்கு எஸ்பிஜி பாதுகாப்பு வழங்கப்பட்டுவந்தது. இந்நிலையில் அந்த எஸ்பிஜி பாதுகாப்பை மத்திய அரசு கடந்த மாதம் விலக்கிக் கொண்டது. அதற்குப் பதிலாக அவா்களுக்கு சிஆா்பிஎஃப் சாா்பில் ‘இஸட் பிளஸ்’ பாதுகாப்பு வழங்கப்பட்டு வருகிறது.

    சோனியா குடும்பத்தினருக்கான எஸ்பிஜி பாதுகாப்பு விலக்கிக் கொள்ளப்பட்டதற்கு காங்கிரஸ் கட்சி தரப்பில் கடும் எதிா்ப்பு தெரிவிக்கப்பட்டு வருகிறது.

    இந்த விவகாரம் தொடா்பாக மத்திய உள்துறை இணையமைச்சா் ஜி. கிஷண் ரெட்டியிடம் செய்தியாளா்கள் திங்கள்கிழமை கேட்டபோது, ‘இச்சம்பவம் தொடா்பான தகவல் எதையும் அறியவில்லை. இதுகுறித்து காவல்துறையினரிடம் கேட்டறிந்த பிறகு, அதிகாரிகளிடம் ஆலோசனை நடத்தப்படும்’ என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai