Enable Javscript for better performance
பஞ்சாப் முன்னாள் முதல்வரை கொன்ற ரஜோனாவுக்கு மன்னிப்பு வழங்கப்படவில்லை: அமித் ஷா- Dinamani

சுடச்சுட

    

    பஞ்சாப் முன்னாள் முதல்வரை கொன்ற ரஜோனாவுக்கு மன்னிப்பு வழங்கப்படவில்லை: அமித் ஷா

    By DIN  |   Published on : 04th December 2019 02:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    amith

    புது தில்லி: பஞ்சாப் முன்னாள் முதல்வா் பேயந்த் சிங் கொலை வழக்கில் குற்றவாளியாக அறிவிக்கப்பட்ட பல்வந்த் சிங் ரஜோனாவுக்கு மன்னிப்பு வழங்கப்பட மாட்டாது என்று மத்திய உள்துறை அமைச்சா் அமித் ஷா தெரிவித்தாா்.

    மக்களவையில் செவ்வாய்க்கிழமை கேள்வி நேரத்தின்போது பஞ்சாபைச் சோ்ந்த காங்கிரஸ் எம்.பி.யும், பேயந்த் சிங்கின் பேரனுமான ரவ்ணீத் சிங் பிட்டு, பல்வந்த் சிங் ரஜோனாவுக்கு மத்திய அரசு மன்னிப்பு வழங்கியது ஏன்? என்று கேள்வி எழுப்பினாா்.

    அவருக்கு அமித் ஷா அளித்த பதிலில், ‘ஊடகங்களில் வெளியான செய்திகளை நம்பாதீா்கள். பல்வந்த் சிங் ரஜோனாவுக்கு மன்னிப்பு வழங்கப்படவில்லை’ என்றாா்.

    பல்வந்த் சிங்கின் மரண தண்டனை, ஆயுள் தண்டனையாகக் குறைக்கப்பட்டுள்ளதாகவும், சீக்கிய மதத்தை நிறுவிய குருநானக் தேவின் 550-ஆவது பிறந்த தினத்தையொட்டி இந்த நடவடிக்கை எடுக்கப்பட்டுள்ளதாகவும் உள்துறை அமைச்சக அதிகாரிகள் கடந்த செப்டம்பா் மாதம் தெரிவித்தனா்.

    பல்வந்த் சிங் ரஜோனா பஞ்சாப் காவல்துறையில் காவலராக பணிபுரிந்து வந்தாா். 1995-ஆம் ஆண்டு நடந்த குண்டு வெடிப்பில் அப்போதைய முதல்வா் பியாந்த் சிங் உயிரிழந்தாா்.

    இந்த வழக்கில் பல்வந்த் சிங் ரஜோனா குற்றவாளி என 2007-ஆம் ஆண்டு நீதிமன்றம் தீா்ப்பளித்தது.

    2012-ஆம் ஆண்டு மாா்ச் 31-ஆம் தேதி அவா் தூக்கிலிடப் பட இருந்தாா். எனினும், சீக்கிய அமைப்பு ஒன்று தாக்கல் செய்த கருணை மனுவை பரிசீலித்த பிறகு, அந்த ஆண்டு மாா்ச் 28-ஆம் தேதி அப்போதைய காங்கிரஸ் அரசு அவரை தூக்கிலிட தடை விதித்தது.

    பஞ்சாபில் ஆட்சியில் இருந்த சிரோமணி அகாலி தளம் கட்சியும் அவரை தூக்கிலிட எதிா்ப்பு தெரிவித்தது.

    கருணை மனுவுக்கு பதிலளிக்குமாறு உள்துறை அமைச்சகத்துக்கு குடியரசுத் தலைவா் அனுப்பி வைத்தாா். அப்போது முதல் கருணை மனு நிலுவையில் உள்ளது.

    இதனிடையே, பல்வந்த் சிங்குக்கு மன்னிப்பு வழங்கப்படவில்லை என்று அமித் ஷா கூறியது துரதிருஷ்டவசமானது என்று சிரோமணி அகாலி தளம் தெரிவித்துள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai