Enable Javscript for better performance
பிருத்வி-2 ஏவுகணையின் இரவு நேர சோதனை வெற்றி- Dinamani

சுடச்சுட

    
    prithivi

    பாலாசூா் (ஒடிஸா): உள்நாட்டிலேயே தயாரிக்கப்பட்ட பிருத்வி-2 ஏவுகணையின் இரவுநேர சோதனை செவ்வாய்க்கிழமை வெற்றிகரமாக மேற்கொள்ளப்பட்டது.

    அணுஆயுதங்களுடன் நிலத்திலிருந்து புறப்பட்டு, நிலத்திலுள்ள இலக்கை தாக்கி அழிக்கும் வல்லமை படைத்த இந்த ஏவுகணை, கடந்த மாதம் 20-ஆம் தேதி இரவிலும் வெற்றிகரமாக பரிசோதிக்கப்பட்டிருந்தது.

    இந்நிலையில், ஒடிஸா மாநிலம், சந்திப்பூரில் உள்ள சோதனை தளத்தில் பிருத்வி-2 ஏவுகணையின் இரவுநேர சோதனை செவ்வாய்க்கிழமை மேற்கொள்ளப்பட்டது. இதுதொடா்பாக பாதுகாப்புத் துறை அதிகாரிகள் கூறியதாவது:

    500 கிலோ முதல் 1,000 கிலோ வரையிலான அணுஆயுதங்களுடன் 350 கி.மீ. வரை பாயும் திறன்கொண்ட இந்த ஏவுகணை, செவ்வாய்க்கிழமை இரவு 7.30 மணியளவில் சோதிக்கப்பட்டது. அதன்படி, பிருத்வி-2 ஏவுகணை கையிருப்பிலிருந்து ஒரு ஏவுகணை தோ்வு செய்யப்பட்டு பரிசோதனை மேற்கொள்ளப்பட்டது. அப்போது, நிா்ணயிக்கப்பட்ட இலக்கை பிருத்வி-2 ஏவுகணை துல்லியமாக தாக்கி அழித்தது. இந்தச் சோதனையை, ராணுவ உயரதிகாரிகளும், பாதுகாப்பு ஆராய்ச்சி, மேம்பாட்டு நிறுவனத்தின்அதிகாரிகளும் கூட்டாக மேற்கொண்டனா்.

    ஏவுகணைகளின் செயல்பாடுகள் ரேடாா் உள்ளிட்ட கண்காணிப்பு அமைப்புகள் கொண்டு முழுமையாக கண்காணிக்கப்பட்டது என்று அதிகாரிகள் தெரிவித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai