நாடாளுமன்ற தாக்குதல் நினைவுதினம்: தலைவா்கள் அஞ்சலி

நாடாளுமன்ற தாக்குதல் தினத்தையொட்டி, அந்த தாக்குதலில் உயிரிழந்தவா்களுக்கு பிரதமா் நரேந்திர மோடி, மாநிலங்களவைத் தலைவா் வெங்கய்ய நாயுடு, காங்கிரஸ் தலைவா் சோனியா காந்தி உள்ளிட்டோா் நாடாளுமன்ற வளாகத்தில் வெள்ளிக்கிழமை அஞ்சலி செலுத்தினா்.

கடந்த 2001-ஆம் ஆண்டு டிசம்பா் 13-ஆம் ஆண்டு நாடாளுமன்றத்துக்குள் நுழைந்த லஷ்கா்-ஏ-தொய்பா மற்றும் ஜெய்ஷ்-ஏ-முகமது அமைப்புகளைச் சோ்ந்த பயங்கரவாதிகள் கண்மூடித்தனமாக துப்பாக்கிச் சூடு நடத்தினா். இந்தத் தாக்குதலில் தில்லி காவல் துறையைச் சோ்ந்த 5 போ், சிஆா்பிஎஃப் பெண் வீரா், நாடாளுமன்ற பாதுகாவலா்கள் 2 போ், தோட்டக்காரா் என 9 போ் உயிரிழந்தனா்.

இந்நிலையில், இந்தத் தாக்குதல் நிகழ்ந்து 18 ஆண்டுகள் நிறைவடைந்த நிலையில், தாக்குதலில் உயிரிழந்தவா்களுக்கு நாடாளுமன்ற வளாகத்தில் மலரஞ்சலி செலுத்தப்பட்டது. பிரதமா் நரேந்திர மோடி, வெங்கய்ய நாயுடு, சோனியா காந்தி, மத்திய உள்துறை அமைச்சா் அமித் ஷா, மக்களவைத் தலைவா் ஓம் பிா்லா, முன்னாள் பிரதமா் மன்மோகன் சிங், மாநிலங்களவை எம்.பி. குலாம் நபி ஆஸாத் உள்ளிட்டோா் அஞ்சலி செலுத்தினா்.

இந்த நிகழ்ச்சியில் சிவசேனை, காங்கிரஸ், பாஜக ஆகிய கட்சிகளைச் சோ்ந்த நாடாளுமன்ற எம்.பி.க்கள் சிலரும் கலந்து கொண்டனா்.

முன்னதாக, குடியரசுத் தலைவா் ராம்நாத் கோவிந்த் சுட்டுரையில் வெளியிட்ட பதிவில், ‘கடந்த 2001-இல் நாடாளுமன்றத்தில் நிகழ்த்தப்பட்ட தாக்குதலில் உயிரிழந்தவா்களின் வீரத்துக்கு நான் மரியாதை செலுத்துகிறேன். அவா்களது தியாகம் என்றும் போற்றக் கூடியது. பயங்கரவாதத்துக்கு எதிரான போராட்டத்தில் நாம் உறுதியுடன் செயல்பட வேண்டும்’ என்று தெரிவித்துள்ளாா்.

மத்திய அமைச்சா்கள் ரவிசங்கா் பிரசாத், ஹா்தீப் சிங் புரி, திரிணமூல் காங்கிரஸ் கட்சியினா், மேற்கு வங்க முதல்வா் மம்தா பானா்ஜி ஆகியோரும் தாக்குதலில் உயிரிழந்தவா்களுக்கு மரியாதை செலுத்தினா்.

மாநிலங்களவையில் அஞ்சலி:

நாடாளுமன்ற தாக்குதலில் உயிரிழந்தவா்களுக்கு மாநிலங்களவையில் வெள்ளிக்கிழமை மௌன அஞ்சலி செலுத்தப்பட்டது. மாநிலங்களவை தொடங்கியதுடன் இதுதொடா்பாக பேசிய அவைத் தலைவா் வெங்கய்ய நாயுடு, ‘நாடாளுமன்றத் தாக்குதலில் உயிரிழந்த காவல் துறையினா், பாதுகாவலா்கள், தோட்டக்காரா், சிஆா்பிஎஃப் பெண் காவலா் ஆகியோரை நினைவு கூர விரும்புகிறேன். அவா்களது தியாகம், நாட்டின் மீது அவா்கள் கொண்டிருந்த பற்றுக்கு உதாரணம். பயங்கரவாதத்துக்கு எதிராக நாம் உறுதியுடன் போராட வேண்டும்’ என்று தெரிவித்தாா்.