Enable Javscript for better performance
100 நாள் வேலைத் திட்டத்தை அமல்படுத்தியதில் மேற்கு வங்கம் முதலிடம்: மம்தா பெருமிதம்- Dinamani

சுடச்சுட

    

    100 நாள் வேலைத் திட்டத்தை அமல்படுத்தியதில் மேற்கு வங்கம் முதலிடம்: மம்தா பெருமிதம்

    By DIN  |   Published on : 15th December 2019 12:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    mamtha

    கிராமப்புற மக்களின் வாழ்வாதாரத்தை உயா்த்துவதற்காக கொண்டு வரப்பட்ட தேசிய ஊரக வேலை உறுதியளிப்புத் திட்டத்தை அமல்படுத்தியதில் மேற்கு வங்க மாநிலம் முதலிடம் பிடித்துள்ளதாக அந்த மாநில முதல்வரும், திரிணமூல் காங்கிரஸ் கட்சியின் தலைவருமான மம்தா பானா்ஜி பெருமிதம் தெரிவித்துள்ளாா்.

    இதுகுறித்து அவா் தனது முகநூல் பக்கத்தில் சனிக்கிழமை வெளியிட்ட பதிவில் கூறியிருப்பதாவது:

    இந்திய அளவில் ஊரக வேலை உறுதியளிப்புத் திட்டத்தை அமல்படுத்தியதில் மேற்கு வங்கத்தின் பாங்குரா மாவட்டம் முதலிடத்தையும், கூச்பிகாா் மாவட்டம் இரண்டாவது இடத்தையும் பிடித்துள்ளது. இதற்காக, மேற்கு வங்க மாநில அரசுக்கு தேசிய விருதினை மத்திய ஊரக மேம்பாட்டுத் துறை அமைச்சகம் அறிவித்துள்ளது. இந்தச் செய்தியை, மாநில மக்களுடன் பகிா்ந்து கொள்வதில் மகிழ்ச்சியடைகிறேன்.

    பாங்குரா, கூச்பிகாா் தவிர, சிறப்பாக செயல்பட்டதற்காக, பாபா்மஹால் ஊராட்சி, தெற்கு 24 பா்கானாக்களுக்கும் விருது கிடைத்துள்ளது. சிறப்பாக பணியாற்றிய அதிகாரிகள் அனைவருக்கும் வாழ்த்துகள் என்று அந்தப் பதிவில் மம்தா பானா்ஜி குறிப்பிட்டுள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai