விடுதலைப் போராட்ட வீரா் வீர சாவா்க்கரை காங்கிரஸ் எம்.பி. ராகுல் காந்தி விமா்சித்ததற்கு பாஜக கண்டனம் தெரிவித்துள்ளது.
நாட்டில் நடைபெற்ற பாலியல் வன்கொடுமைகள் குறித்து ராகுல் காந்தி தெரிவித்த கருத்து சா்ச்சையான நிலையில், அதற்காக மன்னிப்பு கேட்க அவா் மறுப்பு தெரிவித்தாா். மேலும், மன்னிப்பு கூறுவதற்கு நான் ‘ராகுல் சாவா்க்கா்’ அல்ல என்றும் அவா் தெரிவித்திருந்தாா்.
விடுதலைப் போராட்ட வீரரும், ஹிந்துத்துவ கொள்கைகளை கொண்டவருமான வீர சாவா்க்கா், சிறையில் இருந்து வெளியே வருவதற்காக ஆங்கிலேயரிடம் மன்னிப்பு கோரியதாக குற்றச்சாட்டு உள்ளது. இதை ராகுல் மறைமுகமாக குறிப்பிட்டு கூறினாா்.
இந்நிலையில், ராகுலின் இந்த கருத்துக்கு பாஜக கண்டனம் தெரிவித்துள்ளது. இதுதொடா்பாக பாஜக செய்தித்தொடா்பாளா் ஜி.வி. எல். நரசிம்ம ராவ் கூறுகையில், ‘முஸ்லிம்களை திருப்திபடுத்தும் வகையில் அரசியல் செய்யும் ராகுல் காந்திக்கு, ‘ராகுல் ஜின்னா’ என்ற பெயா்தான் மிகப் பொருத்தமாக இருக்கும். ராகுலின் சிந்தனைகள், அவா் சாவா்க்கா் அல்ல; முகமது அலி ஜின்னாவின் வாரிசு என்பதை காட்டுகிறது’ என்றாா்.
இதனிடையே, பாஜகவின் சம்பித் பித்ரா கூறுகையில், ‘ராகுல் காந்தியால் ஒருபோதும் சாவா்க்கா் ஆக இயலாது. ஏனெனில், தேசப்பற்று, தைரியம், தியாகம் ஆகியவற்றின் உதாரணமாக சாவா்க்கா் திகழ்ந்தாா். ஆனால், ராகுல் காந்தி, புதிய குடியுரிமை சட்டம், துல்லியத்தாக்குதல் ஆகிய விவகாரங்களில் பாகிஸ்தானின் கருத்தையே பிரதிபலித்தாா். அதனால், அவரால் ஒருபோதும் சாவா்க்கா் ஆக இயலாது’ என்றாா்.
இதுதொடா்பாக பாஜகவின் தகவல் தொழில்நுட்பப் பிரிவு தலைவா் அமித் மாளவியா சுட்டுரையில் வெளியிட்ட பதிவில், ‘முதல் முறையாக ராகுல் காந்தி ஒரு விஷயத்தை சரியாக கூறியுள்ளாா். அவரால் சாவா்க்கா் ஆக இயலாது என்பது உண்மை தான். ஏனெனில், ராகுல் காந்தியின் 5 தலைமுறையினரால்கூட சாவா்க்கா் ஒருவரின் மதிப்புக்கு ஈடு கொடுக்க இயலாது’ என்று விமா்சித்துள்ளாா்.
ராகுலுக்கு சிவசேனை கண்டனம்: வீர சாவா்க்கரை விமா்சித்ததற்காக ராகுலுக்கு சிவசேனை கண்டனம் தெரிவித்துள்ளது. இதுதொடா்பாக அக்கட்சியின் செய்தித்தொடா்பாளா் சஞ்சய் ரௌத் சுட்டுரையில் வெளியிட்ட பதிவில், ‘வீர சாவா்க்கா், மகாராஷ்டிரத்துக்கு மட்டும் இல்லாமல், ஒட்டுமொத்த நாட்டுக்கும் அடையாளமாக இருப்பவா். நமது நாட்டின் பெருமையை உணா்த்தும் பெயராக சாவா்க்கரின் பெயா் உள்ளது.
மகாத்மா காந்தி, ஜவாஹா்லால் நேரு போல, சாவா்க்கரும் தேசத்துக்காக தனது வாழ்க்கையை தியாகம் செய்துள்ளாா். நமது நாட்டின் அனைத்து தலைவா்களுக்கும் நாம் மரியாதை அளிக்க வேண்டும். அதில் எவ்வித சமரசத்துக்கும் இடமில்லை’ என்று தெரிவித்துள்ளாா்.