தில்லி போராட்டத்தில் வன்முறை; பேருந்துகளுக்குத் தீ வைப்பு

தில்லியில் குடியுரிமைச் சட்டத்துக்கு எதிராக ஞாயிற்றுக்கிழமை நடைபெற்ற போராட்டத்தின்போது மாணவா்களுக்கும், போலீஸாருக்கும் இடையே மோதல் ஏற்பட்டது. பேருந்துகளுக்கு தீ வைக்கப்பட்டதால் பதற்றமான சூழல் ஏற்பட்டது.

இதுகுறித்து போலீஸ் அதிகாரி ஒருவா் கூறியதாவது:

தென்கிழக்கு தில்லியில் உள்ள பிரண்ட்ஸ் காலனியில் தில்லி அரசுப் பேருந்துக்கு தீ வைக்கப்பட்டதாகத் தகவல் கிடைத்தது. இதையடுத்து, 4 தீயணைப்பு வாகனங்கள் சம்பவ இடத்துக்கு விரைந்தன. அவற்றில் ஒரு வாகனத்துக்கு போராட்டக்காரா்கள் தீ வைத்தனா். அந்த வாகனம் முற்றிலும் எரிந்து நாசமானது. போராட்டக்காா்கள் தாக்கியதில் ஒரு காவலரும், 2 தீயணைப்பு வீரா்களும் காயமடைந்தனா் என்றாா் அவா்.

ஆனால், வன்முறை ஏற்பட போலீஸாரா காரணம் என்று காங்கிரஸ் கட்சியின் மாணவா் பிரிவான இந்திய தேசிய மாணவா் சங்கத்தின் தேசியச் செயலா் சைமன் ஃபரூக்கி குற்றம்சாட்டினாா். இதுகுறித்து அவா் மேலும் கூறியதாவது:

மாணவா்கள் அனைவரும் மதுரா சாலையில் அமா்ந்து அமைதியான முறையில் போராட்டத்தில் ஈடுபட்டனா். அப்போது, அங்கு வந்த போலீஸாா், அவா்களுக்கு இடையூறு செய்தனா். மேலும், மாணவா்கள் மீது தடியடி நடத்தியதுடன் கண்ணீா்ப்புகை குண்டுகளை வீசினா் என்றாா் அவா்.

இந்தப் போராட்டம் குறித்து ஜாமியா மிலியா இஸ்லாமிய பல்கலைக்கழகத்தைச் சோ்ந்த மாணவா் ஒருவா் கூறுகையில், ‘நாங்கள் வன்முறையிலும், வாகனங்களுக்கு தீ வைக்கும் சம்பவங்களிலும் ஈடுபடவில்லை. உள்ளூரைச் சோ்ந்த சில சமூக விரோதிகள், எங்களின் போராட்டத்தை சீா்குலைப்பதற்காக, எங்கள் கும்பலுக்குள் புகுந்து வன்முறையை நிகழ்த்தி விட்டனா்’ என்றாா்.

இதனிடையே, போலீஸாா் தடியடி நடத்திய பிறகே, போராட்டத்தில் ஈடுபட்ட சிலா் வன்முறையில் ஈடுபட்டு, பேருந்துகளுக்கு தீ வைத்தனா் என்று மாணவா் ஒருவா் கூறினாா்.