ஆரோக்கியம், நீண்ட ஆயுள்: ராகுலுக்கு பிறந்தநாள் வாழ்த்துக் கூறிய மோடி

காங்கிரஸ் கட்சித் தலைவர் ராகுல் காந்திக்கு இன்று பிறந்தநாள். மக்களவைத் தேர்தல் தோல்வியின் எதிரொலி காரணமாக, ராகுல் தனது பிறந்தநாளை அவ்வளவு பெரிதாகக் கொண்டாட வாய்ப்பில்லை என்றே கருதப்படுகிறது.
ஆரோக்கியம், நீண்ட ஆயுள்: ராகுலுக்கு பிறந்தநாள் வாழ்த்துக் கூறிய மோடி


புது தில்லி: காங்கிரஸ் கட்சித் தலைவர் ராகுல் காந்திக்கு இன்று பிறந்தநாள். மக்களவைத் தேர்தல் தோல்வியின் எதிரொலி காரணமாக, ராகுல் தனது பிறந்தநாளை அவ்வளவு பெரிதாகக் கொண்டாட வாய்ப்பில்லை என்றே கருதப்படுகிறது.

1970ம் ஆண்டு பிறந்த காங்கிரஸ் கட்சித் தலைவர் ராகுலுக்கு இன்று பிறந்தநாள். 

இந்த நிலையில், பிரதமர் நரேந்திர மோடி, காங்கிரஸ் தலைவர் ராகுலுக்கு டிவிட்டர் மூலம் பிறந்தநாள் வாழ்த்துகளைத் தெரிவித்துள்ளார்.

பிரதமர் மோடி தனது டிவிட்டர் பக்கத்தில், "ஸ்ரீ ராகுல் காந்திக்கு பிறந்தநாள் வாழ்த்துகள். ஆரோக்கியத்துடன் நீண்ட ஆயுளைக் கொண்டிருக்க வாழ்த்துகிறேன்" என்று தெரிவித்துள்ளார்.

மக்களவைத் தேர்தலின் போது ராகுல் மற்றும் பிரதமர் மோடி இருவருமே ஒருவர் மீது ஒருவர் காரசார குற்றச்சாட்டுகளை முன் வைத்தனர். ஆனால், அரசியல் நாகரிகம் கருதி, ராகுலின் பிறந்தநாளுக்கு மோடி வாழ்த்துத் தெரிவித்திருப்பது குறிப்பிடத்தக்கது.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com