சுடச்சுட

    

    காங்கிரஸ் 4ஆவது பட்டியல் வெளியீடு: திருவனந்தபுரத்தில் சசி தரூர் போட்டி

    By DIN  |   Published on : 17th March 2019 02:56 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sasitharoor

    மக்களவைத் தேர்தலில் போட்டியிடவுள்ள 27 வேட்பாளர்கள் அடங்கிய 4ஆவது கட்ட பட்டியலை காங்கிரஸ் கட்சி சனிக்கிழமை வெளியிட்டது.
     கேரள மாநிலம், திருவனந்தபுரத்தில் காங்கிரஸ் எம்.பி.யாக உள்ள சசி தரூருக்கு மீண்டும் அதே தொகுதியில் போட்டியிட வாய்ப்பு அளிக்கப்பட்டுள்ளது.
     27 வேட்பாளர்களில் 12 பேர் கேரளம், 7 பேர் உத்தரப் பிரதேசம், 5 பேர் சத்தீஸ்கர், 2 பேர் அருணாசலப் பிரதேசத்தை சேர்ந்தவர்கள் ஆவர். ஒரு வேட்பாளர் அந்தமான்-நிகோபார் தீவுகளைச் சேர்ந்தவராவார்.
     கேரளத்தின் எர்ணாகுளம் தொகுதி எம்.பி.யும், முன்னாள் மத்திய அமைச்சருமான கே.வி.தாமஸýக்கு மீண்டும் வாய்ப்பு வழங்கப்படவில்லை.
     அந்தத் தொகுதியில் எர்ணாகுளம் தொகுதி எம்எல்ஏவான ஹைபி ஈடனுக்கு போட்டியிட கட்சி மேலிடம் வாய்ப்பளித்துள்ளது. கேரள மாநிலம், பத்தனம்திட்டா எம்.பி.யான ஆன்டோ ஆண்டனி மீண்டும் அதே தொகுதியில் போட்டியிடவுள்ளார்.
     அருணாசலப் பிரதேச முன்னாள் முதல்வர் நபம் துகி, அருணாசல் (மேற்கு) தொகுதியில் போட்டியிடுகிறார்.
     கேரளத்தில் மொத்தம் 20 மக்களவைத் தொகுதிகள் உள்ளன. இதில், காங்கிரஸ் கட்சி 16 இடங்களில் போட்டியிடுகிறது. இன்னும் 4 வேட்பாளர்களின் பெயர்கள் வெளியிடப்படவில்லை.
     கேரளத்தில் ஐக்கிய ஜனநாயக முன்னணி ஒருங்கிணைப்பாளர் பென்னி பெஹனான் சாலக்குடியிலும், காங்கிரஸ் இளைஞரணித் தலைவர் டீன் குரியகோஸ் இடுக்கி தொகுதியிலும் போட்டியிடவுள்ளனர்.
     
     
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai