சுடச்சுட

    

    பாலியல் குற்றச்சாட்டு: விசாரணைக் குழு முன் தலைமை நீதிபதி ஆஜர்

    By DIN  |   Published on : 02nd May 2019 04:24 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ranjan-gogai


    முன்னாள் பெண் ஊழியர் அளித்த பாலியல் புகார் தொடர்பான விசாரணைக்காக, நீதிபதி எஸ்.ஏ.போப்டே தலைமையிலான குழு முன் உச்சநீதிமன்றத் தலைமை நீதிபதி ரஞ்சன் கோகோய் புதன்கிழமை ஆஜரானார். மூடப்பட்ட அறையில் அவரிடம் விசாரணை நடத்தப்பட்டது.
    இதுதொடர்பாக, நீதிமன்ற வட்டாரங்கள் தெரிவித்ததாவது:
    தலைமை நீதிபதி ரஞ்சன் கோகோய்க்கு எதிராக உச்சநீதிமன்ற முன்னாள் பெண் ஊழியர் தெரிவித்த பாலியல் புகாரை விசாரிப்பதற்கு ரஞ்சன் கோகோய்க்கு அடுத்த நிலையில் உள்ள நீதிபதி எஸ்.ஏ.போப்டே தலைமையில் 3 பேர் குழு அமைக்கப்பட்டது. அந்தக் குழுவில் பெண் நீதிபதிகள் இந்து மல்ஹோத்ரா, இந்திரா பானர்ஜி ஆகிய இருவரும் இடம்பெற்றுள்ளனர்.
    அந்த புகார் தொடர்பான விசாரணைக்கு நேரில் ஆஜராகுமாறு ரஞ்சன் கோகோய்க்கு அழைப்பு விடுக்கப்பட்டிருந்தது. அதன்படி, விசாரணைக் குழு முன் அவர் புதன்கிழமை ஆஜரானார். அவரிடம் மூடப்பட்ட அறையில் விசாரணை நடத்தப்பட்டது. விசாரணையின்போது போதுமான அளவுக்கு அவர் பதிலளித்தார் என்று அந்த வட்டாரங்கள் தெரிவித்தன.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai