சுடச்சுட

    


    ஜம்மு-காஷ்மீர் மாநிலம், ராம்பன் மாவட்டத்தில் நேரிட்ட நிலச்சரிவு காரணமாக, ஜம்மு-ஸ்ரீநகர் நெடுஞ்சாலை மீண்டும் மூடப்பட்டது.
    இதுகுறித்து அதிகாரிகள் கூறியதாவது:
    ஜம்மு-ஸ்ரீநகர் நெடுஞ்சாலையில் ராம்பன் மாவட்டத்தில் நிலச்சரிவு ஏற்பட்டுள்ளது. இதனால் ஜம்மு-ஸ்ரீநகர் நெடுஞ்சாலை மூடப்பட்டது. இதன் காரணமாக அந்த நெடுஞ்சாலையில் 1,500க்கும் மேற்பட்ட வாகனங்கள் சிக்கியுள்ளன.
    இதுகுறித்த தகவலின்பேரில் நிலச்சரிவினால் சாலையில் கிடக்கும் கற்கள் உள்ளிட்டவற்றை அப்புறப்படுத்தும் பணி தீவிரமாக நடைபெற்று வருகிறது. இந்த பணி முடிவடையும் வரையில், ஜம்மு-ஸ்ரீநகர் நெடுஞ்சாலையில் வாகனம் எதுவும் அனுமதிக்கப்பட மாட்டாது.
    ஏற்கெனவே நிலச்சரிவின் காரணமாக, ஜம்மு-ஸ்ரீநகர் நெடுஞ்சாலை கடந்த 9ஆம் தேதி முதல் 11ஆம் தேதி வரை மூடப்பட்டது. பின்னர் அந்த சாலையில் சிக்கியிருந்த வாகனங்கள் மட்டும் வெளியேற வசதியாக, ஒரு வழி போக்குவரத்துக்கு மட்டும் அனுமதி வழங்கப்பட்டது என்று அந்த அதிகாரிகள் தெரிவித்தனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai