Enable Javscript for better performance
மான் வேட்டை வழக்கு: பிரபல பாலிவுட் நடிகைகள் மற்றும் நடிகருக்கு நீதிமன்றம் நோட்டீஸ்- Dinamani

சுடச்சுட

    

    மான் வேட்டை வழக்கு: பிரபல பாலிவுட் நடிகைகள் மற்றும் நடிகருக்கு நீதிமன்றம் நோட்டீஸ் 

    By IANS  |   Published on : 20th May 2019 04:44 PM  |   அ+அ அ-   |    |  

    blacj_buck_case

     

    ஜெய்பூர்: ராஜஸ்தானில் 1998-ஆம் ஆண்டு அரிய வகை மானை வேட்டையாடிய வழக்கில் பிரபல பாலிவுட் நடிகைகள் தபு, சோனாலி பெந்த்ரே, நடிகர் சைப் அலி கான் உள்ளிட்ட ஐந்து பேருக்கு ஜெய்பூர் நீதிமன்றம் நோட்டீஸ் அனுப்பியுள்ளது.

    1998-ஆம் ஆண்டு பாலிவுட் திரைப்படம் ஒன்றின் ஷூட்டிங்கிற்காக சென்றிருந்த போது அரிய வகை 'பிளாக் பக்' வகை மான்கள் இரண்டை வேட்டையாடியதாக பிரபல பாலிவுட் நடிகர்கள் சல்மான் கான், சைப் அலி கான், நடிகைகள் தபு, சோனாலி பெந்த்ரே, நீலம் கோத்தாரி மற்றும் உள்ளூர்வாசியான துஷ்யந்த் குமார் ஆகிய ஆறு பேர் மீது வழக்குத் தொடரப்பட்டது.

    இந்த வழக்கில் வனவிலங்கு பாதுகாப்புச் சட்டப்பிரிவு 51-ன் படி ஜெய்பூர் நீதிமன்றம் நடிகர் சல்மான்கானுக்கு ஐந்து ஆண்டுகள் சிறைத்தண்டனையும், ரூ.10 ஆயிரம் அபராதமும் விதித்து தீர்ப்பு வழங்கியது. மீதமுள்ள ஐந்து பேரும் வழக்கில் இருந்து விடுவிக்கப்பட்டனர்.  இந்த தீர்ப்பை எதிர்த்து சல்மான் கான் செய்த மேல்முறையீடானது ராஜஸதான் உயர் நீதிமன்றத்தில்  நிலுவையில் உள்ளது.

    இந்நிலையில் இந்த வழக்கில் பிரபல பாலிவுட் நடிகைகள் தபு, சோனாலி பெந்த்ரே, நடிகர் சைப் அலி கான் உள்ளிட்ட ஐந்து பேருக்கு ஜெய்பூர் நீதிமன்றம் தற்போது நோட்டீஸ் அனுப்பியுள்ளது. 

    இவர்கள் விடுவிக்கப்பட்டதை எதிர்த்து மாநில அரசு நீதிமன்றத்தில் மனு செய்ததை அடுத்து, கடந்த மார்ச் 11-ஆம் தேதி இவர்கள் ஐந்து பேருக்கும் நீதிமன்றம் நோட்டீஸ் அனுப்பியது.

    ஆனால் திங்களன்று நீதிமன்றத்தில் அரசுத் தரப்பு வழக்கறிஞர் மஹிபால் சிங் தாக்கல் செய்த புதிய மனுவில், முன்னர் அனுப்பப்பட்ட நோட்டீஸ் நீலம் கோத்தாரி தவிர வேறு யாருக்கும் சென்று சேரவில்லை என்று தெரிவித்தார்.

    இதையயடுத்தி இவர்கள் ஐந்து பேருக்கும் திங்களன்று மீண்டும் நோட்டீஸ் அனுப்ப நீதிமன்றம் உத்தரவிட்டுள்ளது. அவர்கள் ஐந்து பேரும் 8 வாரங்களுக்குள் இந்த நோட்டீஸிற்கு பதில் அளிக்க வேண்டும் என்று தெரிவிக்கப்பட்டுள்ளது.   

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp