Enable Javscript for better performance
புதிய மக்களவையில் 475 கோடீஸ்வர எம்.பி.க்கள்- Dinamani

சுடச்சுட

    

    புதிய மக்களவையில் 475 கோடீஸ்வர எம்.பி.க்கள்

    By DIN  |   Published on : 27th May 2019 02:50 AM  |   அ+அ அ-   |    |  

    புதிய மக்களவையில் 475 எம்.பி.க்கள்,  கோடீஸ்வரர்கள் என ஜனநாயக சீர்திருத்த கூட்டமைப்பு (ஏடிஆர்) தெரிவித்துள்ளது.
    இதுகுறித்து அந்த அமைப்பு ஞாயிற்றுக்கிழமை மேலும் தெரிவித்துள்ளதாவது:
    539 புதிய எம்.பி.க்கள் தேர்தல் ஆணையத்தில் தாக்கல் செய்துள்ள பிரமாணப் பத்திரத்தில் சொத்துகள் குறித்து ஆய்வு செய்யப்பட்டது. இதில், 475 எம்.பி.க்கள் கோடீஸ்வரராக உள்ளது தெரியவந்துள்ளது.  இதில், மத்தியப் பிரதேச மாநிலத்தின் முதல்வர் கமல்நாத்தின் மகன் நகுல் நாத் முதலிடத்தில் உள்ளார்.
    மொத்தமுள்ள 542 புதிய எம்.பி.க்களில் 3 பேரின் பிரமாணப் பத்திரங்களை ஆய்வு செய்ய முடியவில்லை. அதில் இரண்டு பேர் பாஜகவையும், ஒருவர் காங்கிரஸ் கட்சியையும் சேர்ந்தவர்.
    பாஜக சார்பில் தேர்வு செய்யப்பட்ட 301 புதிய எம்.பி.க்களில் 265 பேர் (88 சதவீதம்) கோடீஸ்வரர்கள் என்பது கண்டறியப்பட்டுள்ளது. தேசிய ஜனநாயக கூட்டணியில் இடம்பெற்றுள்ள சிவ சேனை சார்பில் தேர்ந்தெடுக்கப்பட்ட 18 எம்.பி.க்களின் அனைவரின் சொத்து மதிப்பும் ஒரு கோடி ரூபாய்க்கும் அதிகமானவை. 
    காங்கிரஸ் கட்சியை பொருத்தவரையில், தேர்ந்தெடுக்கப்பட்ட 51 எம்.பி.க்களில் 43 பேர் (96 சதவீதம்) கோடீஸ்வரர்கள் என்பது தெரியவந்துள்ளது. 
    அதேபோன்று, தி.மு.க. 23 எம்.பி.க்களில் 22 பேரும், திரிணமூல் காங்கிரஸ் கட்சியின் 22 பேரில் 20 பேரும், ஒய்.எஸ்.ஆர். காங்கிரஸ் கட்சியின் 22 எம்.பி.க்களில் 19 பேரும் கோடீஸ்வரர்கள்.
    கோடீஸ்வரர் பட்டியலில் இடம்பெற்றுள்ள முதல் மூன்று இடங்களில் காங்கிரஸ் கட்சியை சேர்ந்தவர்களே உள்ளனர்.
    அதன்படி, மத்திய பிரதேசம் சிந்த்வாரா தொகுதியிலிருந்து காங்கிரஸ் கட்சி சார்பில் தேர்ந்தெடுக்கப்பட்ட நகுல் நாத்தின் சொத்து மதிப்பு ரூ.660 கோடியாகும். இவரையடுத்து, கன்னியாகுமரியிலிருந்து  எம்.பி.யாக தேர்ந்தெடுக்கப்பட்ட எச்.வசந்த குமாரின் சொத்து மதிப்பு ரூ.417 கோடியாகவும், பெங்களூரு ஊரக தொகுதியிலிருந்து எம்.பி.யாக தேர்ந்தெடுக்கப்பட்ட  டி.கே. சுரேஷின் சொத்து மதிப்பு ரூ.338 கோடியாகவும் உள்ளது என ஏடிஆர் தெரிவித்துள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp