Enable Javscript for better performance
தமிழக போக்குவரத்துத்துறை சீரமைப்புக்கு 200 மில்லியன் யூரோ ஒதுக்கீடு: ஜெர்மன் பிரதமர் அறிவிப்பு- Dinamani

சுடச்சுட

    

    தமிழக போக்குவரத்துத்துறை சீரமைப்புக்கு 200 மில்லியன் யூரோ ஒதுக்கீடு: ஜெர்மனி பிரதமர் அறிவிப்பு

    By DIN  |   Published on : 02nd November 2019 02:16 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    angela_merkel

     

    தமிழக போக்குவரத்துத்துறை சீரமைப்புக்கு 200 மில்லியன் யூரோ ஒதுக்கீடு செய்யப்பட்டுள்ளதாக ஜெர்மனி பிரதமர் ஏஞ்சலா மெர்கல் தெரிவித்துள்ளார். இந்தியா மற்றும் ஜெர்மனி இடையிலான 63-ஆவது வருடாந்திரப் பொதுக்கூட்டம் சனிக்கிழமை நடைபெற்றது. இதில் ஏஞ்சலா மெர்கல் உரையாற்றியதாவது:

    தமிழக போக்குவரத்துத்துறை சீரமைப்புக்கு 200 மில்லியன் யூரோ (இந்திய மதிப்பில் ரூ. 1,580 கோடி) ஒதுக்கீடு செய்யப்பட்டுள்ளது. அதேபோன்று தில்லியில் உள்ள காற்று மாசு நாம் அனைவரும் அறிந்தது தான். இதை சீரமைக்க வேண்டுமென்றால் டீசல் வகைப் பேருந்துகள் அனைத்தும் இ-பேருந்துகளாக மாற்ற வேண்டியது குறித்து தற்போது விவாதிக்கப்பட வேண்டியது அவசியமாகும்.

    எனவே தான் பசுமை போக்குவரத்து முறையை ஏற்படுத்த இந்தியா, ஜெர்மனி கூட்டு முயற்சியின் அடிப்படையில் ஒரு பில்லியன் டாலர்கள் (இந்திய மதிப்பில் ரூ.7,080 கோடி) ஒதுக்கீடு செய்யப்பட்டுள்ளது என்று தெரிவித்தார்.

    முன்னதாக, 3 நாள் அரசுமுறைப் பயணமாக இந்தியா வந்துள்ள ஜொ்மனி பிரதமா் ஏஞ்சலா மொ்கல், இரு நாடுகளின் விவகாரங்கள் தொடர்பாக பிரதமா் நரேந்திர மோடியை தில்லியில் வெள்ளிக்கிழமை சந்தித்துப் பேசினார். 

    அப்போது இருவரின் முன்னிலையில் வேளாண்மை, கடல்சாா் பாதுகாப்பு தொழில்நுட்பம், ஆயுா்வேதம், யோகாசனம், தியானம், தொழிற்பயிற்சி, நோய்த்தடுப்பு, தேசிய அருங்காட்சியக ஒத்துழைப்பு, விளையாட்டு, அறிவியல் ஆய்வு, நவீன தொழில்நுட்ப ஆய்வில் ஒத்துழைப்பு உள்ளிட்ட துறைகளில் இருநாடுகளிடையே 17 புரிந்துணா்வு ஒப்பந்தங்கள் கையெழுத்தாகியுள்ளன.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai