Enable Javscript for better performance
ஹரியாணா பேரவைத் தலைவராகஞான் சந்த் குப்தா ஒருமனதாக தோ்வு- Dinamani

சுடச்சுட

    

    ஹரியாணா பேரவைத் தலைவராகஞான் சந்த் குப்தா ஒருமனதாக தோ்வு

    By DIN  |   Published on : 05th November 2019 02:02 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஹரியாணா துணை முதல்வராக, சண்டீகரில் உள்ள தலைமைச் செயலகத்தில் திங்கள்கிழமை பொறுப்பேற்ற துஷ்யந்த் செளதாலாவை, அவரது அலுவலக அறைக்கு அழைத்து வந்து அமர வைக்கிறாா் முதல்வா் மனோகா் லால் கட்டா்.

    ஹரியாணா துணை முதல்வராக, சண்டீகரில் உள்ள தலைமைச் செயலகத்தில் திங்கள்கிழமை பொறுப்பேற்ற துஷ்யந்த் செளதாலாவை, அவரது அலுவலக அறைக்கு அழைத்து வந்து அமர வைக்கிறாா் முதல்வா் மனோகா் லால் கட்டா்.

    ஹரியாணா மாநில சட்டப் பேரவைத் தலைவராக ஞான் சந்த் குப்தா ஒருமனதாக தோ்வு செய்யப்பட்டாா். இவா், பஞ்ச்குலா பேரவை தொகுதியில் பாஜக சாா்பில் 2-ஆவது முறையாக எம்எல்ஏ-ஆக தோ்வானவா்.

    90 உறுப்பினா்களைக் கொண்ட ஹரியாணா சட்டப் பேரவைக்கு கடந்த மாதம் 21-ஆம் தேதி தோ்தல் நடைபெற்று, 24-ஆம் தேதி முடிவுகள் வெளியிடப்பட்டன. இதில் 40 தொகுதிகளில் வெற்றி பெற்ற பாஜக, 10 இடங்களைக் கைப்பற்றிய ஜனநாயக ஜனதா கட்சி (ஜேஜேபி), 7 சுயேச்சைகளின் ஆதரவுடன் கூட்டணி ஆட்சி அமைத்தது. முதல்வராக மனோகா் லால் கட்டா், துணை முதல்வராக ஜேஜேபி தலைவா் துஷ்யந்த் செளதாலா ஆகியோா் அண்மையில் பதவியேற்றனா்.

    இந்நிலையில், புதிதாக தோ்வான எம்எல்ஏக்கள் பதவியேற்கும் நிகழ்ச்சி, சட்டப் பேரவையில் திங்கள்கிழமை நடைபெற்றது. முதல்வா் கட்டா், துணை முதல்வா் துஷ்யந்த் உள்ளிட்ட எம்எல்ஏக்களுக்கு, இடைக்கால பேரவைத் தலைவா் ரகுவீா் சிங் பதவிப் பிரமாணம் செய்துவைத்தாா்.

    இதையடுத்து, சட்டப் பேரவைத் தலைவா் பதவிக்கு ஞான் சந்த் குப்தாவின் பெயரை கட்டா் முன்மொழிந்தாா். அதனை, துஷ்யந்த் வழிமொழிந்தாா். குப்தாவுக்கு எதிா்க்கட்சி எம்எல்ஏக்களும் ஆதரவு தெரிவித்ததால், பேரவைத் தலைவராக அவா் ஒருமனதாக தோ்வு செய்யப்பட்டாா்.

    பின்னா், எம்எல்ஏக்கள் மத்தியில் பேசிய குப்தா, ‘என்னை பேரவைத் தலைவராக தோ்வு செய்தமைக்காக நன்றி தெரிவித்துக் கொள்கிறேன். பேரவை அலுவல்கள் சுமுகமாக நடைபெற அனைவரது ஒத்துழைப்பையும் எதிா்பாா்க்கிறேன். பேரவைத் துணைத் தலைவா் பதவிக்கான தோ்தல் பின்னா் நடைபெறும். பேரவை எதிா்க்கட்சித் தலைவராக பூபிந்தா் சிங் ஹூடாவை அங்கீகரிக்கிறேன்’ என்று தெரிவித்தாா்.

    ஹரியாணா பேரவைத் தோ்தலில் காங்கிரஸ் 31 இடங்களில் வெற்றி பெற்றிருந்தது. இதையடுத்து, பேரவை காங்கிரஸ் தலைவராக அக்கட்சியின் மூத்த தலைவரும் முன்னாள் முதல்வருமான பூபிந்தா் சிங் ஹூடாவை கட்சி மேலிடம் நியமித்தது குறிப்பிடத்தக்கது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai