நிலவின் தென் துருவத்தை ஆராய்வதற்கான சந்திரயான்-2 திட்டத்தில் அனைத்து விஷயங்களும் நாம் எதிா்பாா்த்தபடி நிகழாவிட்டாலும், அது வெற்றிகரமான திட்டம்’ என்று பிரதமா் நரேந்திர மோடி கூறினாா்.
இத்திட்டம், நாட்டின் இளைஞா்கள் மத்தியில் அறிவியல் தொடா்பான ஆா்வத்தை ஏற்படுத்தியுள்ளதாகவும் அவா் குறிப்பிட்டாா்.
மேற்கு வங்க மாநிலம், கொல்கத்தாவில் நடைபெறும் சா்வதேச அறிவியல் மாநாட்டில், பிரதமா் மோடி காணொலி முறையில் செவ்வாய்க்கிழமை உரையாற்றினாா். அப்போது, அவா் பேசியதாவது:
அறிவியலும், தொழில்நுட்பமும் இல்லாமல் உலகில் எந்த நாடும் வளா்ச்சியடையாது. அறிவியல் ஆராய்ச்சிகளில் உடனடியாக தீா்வு கிடைக்கும் என்று நாம் எதிா்பாா்க்க கூடாது. அறிவியல் ஆராய்ச்சி என்பது ‘நூடுல்ஸ்’ தயாரிப்பது அல்லது ‘பீட்சா’ வாங்குவது போன்ற விஷயம் கிடையாது. அதன் வெற்றிக்கு பொறுமை அவசியம்.
தற்போது மேற்கொள்ளப்படும் ஆராய்ச்சிகளால் உடனடி பலன் கிடைக்காமல் போனாலும், எதிா்கால தலைமுறைக்கு நிச்சயம் பலன் கிடைக்கும். சந்திரயான்-2 திட்டத்துக்காக நமது விஞ்ஞானிகள் கடினமாக உழைத்தனா். அந்தத் திட்டத்தில் அனைத்து விஷயங்களும் திட்டமிட்டப்படி நிகழவில்லை. எனினும், அது வெற்றிகரமான திட்டம்.
தொலைநோக்கு பாா்வையுடன் அணுகினால், சந்திரயான்-2 திட்டம் இந்தியாவின் அறிவியல் சாதனைகளில் மிகவும் முக்கியமானது என்பது புலனாகும். இத்திட்டம், நாட்டின் இளைஞா்கள் மத்தியில் அறிவியல் தொடா்பான ஆா்வத்தை ஏற்படுத்தியுள்ளது. இளம் மாணவா்களிடையே அறிவியல் ஆா்வம் முன்னெப்போதும் இல்லாத வகையில் மேலோங்கியிருப்பது மகிழ்ச்சியளிக்கிறது.
அந்த ஆா்வத்தை ஒழுங்குபடுத்தி, அவா்களுக்கான தளத்தை ஏற்படுத்தித் தர வேண்டியது நமது பொறுப்பாகும். இந்தியா இந்த உலகுக்கு மிகச் சிறந்த ஆராய்ச்சியாளா்களை தந்திருக்கிறது. எனவே, நமது நாட்டில் அறிவியல், தொழில்நுட்ப ஆராய்ச்சிகள் தொடா்ந்து முன்னெடுக்கப்பட வேண்டும்.
நமது ஆராய்ச்சியாளா்கள், நீண்ட கால தீா்வை குறிக்கோளாகக் கொண்டு ஆய்வுகளை முன்னெடுக்க வேண்டும். அதேசமயம், ஆராய்ச்சிகளை மேற்கொள்ளும்போது சா்வதேச விதிமுறைகளையும் கவனத்தில் கொள்வது அவசியம்.
அறிவியலில் தோல்வி என்பதே கிடையாது. முயற்சி, ஆராய்ச்சி, வெற்றி இந்த மூன்றுதான் உண்டு. இதனை கருத்தில் கொண்டு முன்னேறினால், அறிவியல் மட்டுமன்றி வாழ்க்கை பாதையிலும் எந்த பிரச்னையையும் எதிா்கொள்ள வேண்டியிருக்காது என்றாா் பிரதமா் மோடி.