Enable Javscript for better performance
Maharashtra: BJP delegation meets governor, discusses political situation, 'legal options'- Dinamani

உடனுக்கு உடன் செய்திகள்

    முகப்பு இந்தியா

    மகாராஷ்டிராவில் முடிவுக்கு வருமா இழுபறி? ஆளுநருடன் பாஜக குழு சந்திப்பு!

    By DIN  |   Published On : 07th November 2019 04:38 PM  |   Last Updated : 07th November 2019 04:41 PM  |  அ+அ அ-  |  

    BJP_delegation_after_Governors_meet

    ஆளுநருடனான சந்திப்புக்குப் பிறகு செய்தியாளர்களைச் சந்திக்கும் பாஜக குழு


    மகாராஷ்டிர ஆளுநர் பகத் சிங் கோஷ்யாரியை பாஜக மாநிலத் தலைவர் சந்திரகாந்த் பாட்டீல் தலைமையிலான குழு இன்று (வியாழக்கிழமை) நேரில் சந்தித்து ஆலோசனை மேற்கொண்டது.

    மகாராஷ்டிர சட்டப்பேரவைத் தேர்தலை கூட்டணியாக எதிர்கொண்ட பாஜக மற்றும் சிவசேனை கட்சிகள் முறையே 105 மற்றும் 56 ஆகிய இடங்களில் வெற்றி பெற்றன. ஆனால், 'ஆட்சியில் சமபங்கு' மற்றும் 'சுழற்சி முறையில் முதல்வர் பதவி' என்கிற சிவசேனையின் கோரிக்கையை ஏற்க பாஜக மறுத்து வருகிறது. இதனால், அங்கு தேர்தல் முடிவுகள் வெளியாகி 15 நாள்கள் ஆகியும், இன்னும் அரசு அமைக்க முடியாத நிலையே நீடிக்கிறது.

    அடுத்த 5 ஆண்டுக்கு பாஜக தரப்பில் இருந்துதான் முதல்வர் என்பதில் பாஜக திட்டவட்டமாக இருக்கிறது. அதேசமயம், பாஜகவுடன் பேச்சுவார்த்தை என்றால் அது முதல்வர் பதவியைக் குறித்து மட்டுமே இருக்கும் என சிவசேனையும் தனது முடிவில் உறுதியாக உள்ளது. இதனால், நாளுக்கு நாள் அங்கு அரசியல் களம் சூடுபிடித்து வருகிறது.

    இதனிடையே, மகாராஷ்டிர சட்டப்பேரவையின் ஆயுள்காலம் வரும் 9-ஆம் தேதியுடன் நிறைவடைகிறது. இதனால், அதற்குள் அங்கு ஒரு முடிவு எட்டப்பட வேண்டிய கட்டாயம் இருக்கிறது.

    மேலும் படிக்க: சிவசேனைக்கு ஆதரவில்லை: சரத் பவாா்

    இந்நிலையில், பாஜக மாநிலத் தலைவர் சந்திரகாந்த் பாட்டீல் தலைமையிலான குழு இன்று அம்மாநில ஆளுநர் பகத் சிங் கோஷ்யாரியைச் சந்தித்து மாநிலத்தில் நிலவும் அரசியல் சூழல் குறித்து ஆலோசனை மேற்கொண்டனர். இந்த சந்திப்புக்குப் பிறகு சந்திரகாந்த் பாட்டீல் செய்தியாளர்களிடம் பேசுகையில், 

    "மகாராஷ்டிர மக்கள் மெகா கூட்டணிக்கே அதிகாரம் வழங்கியுள்ளனர். அரசு அமைவதில் தாமதம் ஏற்பட்டுள்ளது. நாங்கள் இன்று ஆளுநரைச் சந்தித்து சட்ட ரீதியிலான வாய்ப்புகள் மற்றும் மாநிலத்தில் நிலவும் அரசியல் சூழல் குறித்து ஆலோசனை நடத்தினோம்" என்றார்.

    இந்தக் குழுவில் கிரிஷ் மகாஜன், சந்திரகாந்த் பாட்டீல், சுதிர் முங்கண்டிவார் மற்றும் ஆஷிஷ் ஷேலார் ஆகியோர் இடம்பெற்றிருந்தனர்.

    தனிப்பெரும் கட்சி பாஜக:

    நவம்பர் 9-ஆம் தேதியுடன் மகாராஷ்டிர பேரவையின் ஆயுள்காலம் நிறைவடையவுள்ளதால், தனிப்பெரும் கட்சியாக உருவெடுத்துள்ள பாஜக அதற்குமுன் ஆட்சி அமைக்க உரிமை கோரி அரசை அமைக்கலாம். அதன்பிறகு, சிவசேனையுடன் மீண்டும் பேச்சுவார்த்தையை நடத்தலாம் என்று எதிர்பார்க்கப்படுகிறது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp