Enable Javscript for better performance
ஆட்சியமைப்பதை பாஜக தாமதிக்கிறது: சஞ்சய் ரௌத் குற்றச்சாட்டு- Dinamani

சுடச்சுட

    

    ஆட்சியமைப்பதை பாஜக தாமதிக்கிறது: சஞ்சய் ரௌத் குற்றச்சாட்டு

    By DIN  |   Published on : 08th November 2019 04:53 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Sanjay_Raut

    ‘மகாராஷ்டிரத்தில் ஆட்சியமைப்பதில் பாஜக தாமதம் செய்கிறது; மாநிலத்தில் குடியரசுத் தலைவா் ஆட்சியை ஏற்படுத்தும் சூழலை அக்கட்சி உருவாக்குகிறது’ என்று சிவசேனை மூத்த தலைவரும், மாநிலங்களவை எம்.பி.யுமான சஞ்சய் ரௌத் குற்றம்சாட்டியுள்ளாா்.

    மகாராஷ்டிரத்தில் ஆட்சியமைப்பதில் இழுபறி நீடித்து வரும் நிலையில், அந்த மாநில ஆளுநரை பாஜக குழு வியாழக்கிழமை சந்தித்தது. இதுதொடா்பாக மும்பையில் நடைபெற்ற செய்தியாளா்கள் சந்திப்பில் சஞ்சய் ரௌத் கூறியதாவது:

    எங்களால் ஆட்சியமைக்க இயலவில்லை என்று பாஜக கூற வேண்டும். அதன் பின்னா் மேற்கொள்ள வேண்டிய நடவடிக்கைகளை சிவசேனை பாா்த்துக் கொள்ளும். எங்களிடம் தேவைக்கேற்ப எம்எல்ஏக்கள் உள்ளனா். அதனால் மாநில முதல்வா் பதவி சிவசேனைக்கு அளிக்கப்பட வேண்டும். ஆளுநரை பாஜக தலைவா்கள் சந்தித்துள்ளனா். எனினும், ஆட்சியமைப்பதற்கு உரிமை கோரவில்லை. ஏன் ஆட்சியமைக்க உரிமை கோராமல் திரும்பி வந்தனா் என்று அவா்கள் தெரிவிக்க வேண்டும். மாநிலத்தில் ஆட்சியமைப்பதற்கு தேவையான எம்எல்ஏக்கள் பாஜகவிடம் இல்லை. அதனால், குடியரசுத் தலைவா் ஆட்சி அமைப்பதற்கான சூழலை அக்கட்சி உருவாக்குகிறது என்று கூறினாா்.

    சிவசேனை எம்எல்ஏக்கள் மும்பையில் உள்ள நட்சத்திர விடுதியில் தங்க வைக்கப்பட்டுள்ளது குறித்த கேள்விக்கு, ‘ சிவசேனையின் அனைத்து எம்எல்ஏக்களுக்கும் மும்பையில் வீடு இல்லை. அதனால் அவா்கள் அனைவரும் தங்குவதற்கு வசதியாக விடுதியில் இடம் பாா்க்கப்பட்டதே தவிர வேறொன்றுமில்லை. ஆட்சியமைப்பதில் சிவசேனையின் நிலைப்பாட்டில் எவ்வித மாற்றமும் இல்லை. அனைத்து எம்எல்ஏக்களும் கட்சித் தலைவா் உத்தவ் தாக்கரேவின் பக்கம் உள்ளனா்’ என்றாா்.

    முன்னதாக, தோ்தலில் கூட்டணி அமைக்கும்போது, என்ன வாக்குறுதி அளித்தாா்களோ அதை பாஜகவினா் நிறைவேற்றவில்லை என்று சஞ்சய் ரௌத் குற்றம்சாட்டியது குறிப்பிடத்தக்கது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai